इमाव, विमाप्र,विजा,भज प्रवर्गातील विद्यार्थ्यांसाठी ऑनलाईन प्रवेश
छत्रपती संभाजीनगर, प्रतिनिधी)- इतर मागासवर्ग, विमुक्त जाती, भटक्या जमाती व विशेष मागास प्रवर्गातील उच्च शिक्षण घेणाऱ्या विद्यार्थ्यांसाठी ‘ज्ञानज्योती सावित्रीबाई फुले आधार योजना’ तसेच भ.ज.-क प्रवर्गातील विद्यार्थ्यांसाठी ‘पंडित दीनदयाळ उपाध्याय स्वयंम योजना’ अंतर्गत व्यावसायिक व बिगर व्यावसायिक अभ्यासक्रमांना प्रवेश दिला जातो.
सन २०२६-२७ या शैक्षणिक वर्षासाठी या प्रवेश प्रक्रियेचे वेळापत्रक जाहीर झाले आहे. इच्छुक विद्यार्थ्यांनी ऑनलाईन प्रवेश अर्ज भरावे,असे आवाहन इतर मागास बहुजन कल्याण विभागाचे सहायक संचालक दयानंद कोकरे यांनी केले आहे.
या योजनांसाठी ऑनलाइन अर्ज करण्याचा पर्याय दि. १२ ऑगस्ट २०२६ पासून ऑनलाइन पोर्टलवर उपलब्ध करून देण्यात आला आहे. छत्रपती संभाजीनगर जिल्ह्यातील विविध महाविद्यालयांमध्ये प्रथम वर्ष किंवा थेट द्वितीय वर्षात प्रवेश घेऊन शिक्षण घेत असलेल्या पात्र विद्यार्थ्यांनी “ऑनलाइन अर्ज पोर्टल” https://hmasnew.mahait.org या संकेतस्थळाला भेट देऊन आवश्यक कागदपत्रांसह परिपूर्ण अर्ज ऑनलाइन सादर करावा.
‘ज्ञानज्योती सावित्रीबाई फुले आधार योजना’ ही इतर मागासवर्ग, विमुक्त जाती, भटक्या जमाती (भज-क प्रवर्ग वगळून) आणि विशेष मागास प्रवर्गातील पात्र विद्यार्थ्यांसाठी असून, ‘पंडित दीनदयाळ उपाध्याय स्वयंम योजना’ ही केवळ भज-क प्रवर्गातील पात्र विद्यार्थ्यांसाठी आहे.
जिल्ह्यातील पात्र विद्यार्थ्यांनी योजनेचा लाभ घेण्यासाठी विहित प्रक्रियेनुसार ऑनलाइन अर्ज सादर करावा, असे आवाहन इतर मागास बहुजन कल्याण विभागाचे सहायक संचालक दयानंद कोकरे यांनी केले आहे.
०००००
