सांगली जिल्ह्यातील ताडी दुकानांचा 21 सप्टेंबरला ई-लिलाव
सांगली, प्रतिनिधी: सांगली जिल्ह्यातील ताडी दुकानाचा जाहीर ई-लिलाव दिनांक 21 सप्टेंबर 2026 रोजी होणार असून याची सर्व इच्छुक निविदाधारकांनी नोंद घ्यावी, असे राज्य उत्पादन शुल्क विभागाचे अधीक्षक विश्वजित देशमुख यांनी प्रसिध्दीपत्रकाव्दारे कळविले आहे.
प्रसिद्धीपत्रकात म्हटले आहे, ताडी वर्ष 2026-2027 (01 सप्टेंबर, 2026 ते दि. 31 ऑगस्ट, 2027) करिता ताडी दुकाने जाहीर ई लिलाव-नि-निविदा पध्दतीने देण्यात येणार आहेत. ही जाहीर ई लिलाव-नि-निविदा दि. 31 ऑगस्ट ते दि. 15 सप्टेंबर 2026 या कालावधीमध्ये महाराष्ट्र शासनाच्या http://www.mahatenders.gov.in या अधिकृत संकेतस्थळावर प्रकाशीत करण्यात आली आहे. ताडी दुकानांची यादी, इतर नियम ई लिलाव -नि-निविदा बाबतची अटी व शर्ती इत्यादी बाबतची सविस्तर माहिती http://www.mahatenders.gov.in व www.sangli.nic.in या संकेतस्थळावर देण्यात आलेली आहे. तसेच अधिक माहिती आवश्यक असल्यास अधीक्षक, राज्य उत्पादन शुल्क, सांगली यांचे कार्यालयाशी संपर्क साधावा, असे प्रसिध्दीपत्रकात म्हटले आहे.
00000
