vishwatmaklokswamivarta
Breaking News
ठळक बातम्याप्रदेश

सार्वजनिक गणेशोत्सव व दुर्गा उत्सव मंडळांनी कायमस्वरूपी नोंदणी करावी धर्मादाय सह आयुक्त कार्यालयाचे आवाहन

सार्वजनिक गणेशोत्सव व दुर्गा उत्सव मंडळांनी कायमस्वरूपी नोंदणी करावी धर्मादाय सह आयुक्त कार्यालयाचे आवाहन

छत्रपती संभाजीनगर, प्रतिनिधी : धर्मादाय सह आयुक्त, छत्रपती संभाजीनगर विभाग यांच्या कार्यालयांतर्गत येणाऱ्या सर्व सार्वजनिक गणेशोत्सव मंडळे व सार्वजनिक दुर्गा उत्सव मंडळांनी आपल्या मंडळाची कायमस्वरूपी नोंदणी करून घ्यावी, असे आवाहन धर्मादाय सह आयुक्त कार्यालयामार्फत करण्यात आले आहे.

सार्वजनिक गणेशोत्सव व दुर्गा उत्सव साजरा करण्यासाठी वर्गणी गोळा करण्याची परवानगी मिळावी यासाठी दरवर्षी महाराष्ट्र सार्वजनिक विश्वस्त व्यवस्था अधिनियम, १९५० मधील कलम ४१ (क) अंतर्गत मोठ्या संख्येने अर्ज सादर केले जातात. मात्र, ज्या मंडळांनी संस्था नोंदणी अधिनियमांतर्गत कायमस्वरूपी नोंदणी करून घेतलेली असेल, त्या मंडळांना दरवर्षी कलम ४१ (क) अंतर्गत स्वतंत्र परवानगी घेण्याची आवश्यकता राहत नाही

कायमस्वरूपी नोंदणी झालेल्या मंडळांना उत्सवादरम्यान प्राप्त होणाऱ्या देणग्या, विविध वस्तू तसेच सोने, चांदी आदी मौल्यवान मालमत्तेचे नियमानुसार व पारदर्शक पद्धतीने व्यवस्थापन करणेही अधिक सुलभ होते. त्यामुळे मंडळाच्या प्रशासनात शिस्त, पारदर्शकता आणि उत्तरदायित्व वाढण्यास मदत होते.

त्यामुळे धर्मादाय सह आयुक्त, छत्रपती संभाजीनगर विभाग यांच्या कार्यालयांतर्गत कार्यरत असलेल्या सर्व सार्वजनिक श्री गणेशोत्सव व श्री दुर्गादेवी उत्सव मंडळांनी आपापल्या मंडळाची कायमस्वरूपी नोंदणी करून घ्यावी, असे आवाहन धर्मादाय सह आयुक्त कार्यालयाने प्रसिद्धीपत्रकाद्वारे केले आहे.

00000

संबंधित पोस्ट

आंतरराष्ट्रीय योग दिन २०२६ गडचिरोली पोलीस दलाचा सामूहिक योगाभ्यास

ग्रंथ हे मनुष्याचे सच्चे मित्र – राज्यपाल आचार्य देवव्रत ‘घोस्ट्स, हॉरर अँड हिल्स’ कथासंग्रहाचे प्रकाशन

vishwatmaklokswamivarta

अनुसूचित प्रवर्गातील विद्यार्थ्यांना तहसीलस्तरावरच मिळणार MPSC-UPSC चे मार्गदर्शन ‘महाज्योती’ आणि ‘अमृत’च्या संयुक्त पुढाकाराने बुलढाण्यात विद्यार्थ्यांसाठी विशेष मार्गदर्शन 

vishwatmaklokswamivarta

विशेष सखोल पुनरिक्षण कार्यक्रमाच्या अनुषंगाने राज्याचे उपमुख्यमंत्री तथा ठाणे जिल्ह्याचे पालकमंत्री श्री.एकनाथ शिंदे व श्रीमती लता एकनाथ शिंदे यांचे Enumeration Form आज भरून घेण्यात आले.

राज्यात प्रत्येक पोलीस ठाण्यात ‘विशेष बाल पोलीस पथक’ अनिवार्य,बालहक्क संरक्षण आयोगाच्या वैधानिक सूचना; वाढत्या गुन्ह्यांवर कठोर पाऊलराज्यात अल्पवयीन मुला-मुलींसंदर्भातील गुन्ह्यांमध्ये चिंताजनक वाढ : आयोगाचे सदस्य डॉ. संजय लाखेपाटील यांची माहिती 

विमानतळ परिसराचा १५ कि.मी.परीघ क्षेत्रात लेझर आणि बीम लाईट्सवर बंदी; पोलीस प्रशासनाचे आदेश