जिल्हा परिषद व पंचायत समिती निवडणुकीमध्ये सर्वांनी मतदानाचा हक्क बजवावा- जिल्हाधिकारी संतोष पाटील

सातारा प्रतिनिधी सातारा जिल्हा परिषद व त्या अंतर्गत 11 पंचायत समित्यांसाठी उद्या 7 फेब्रुवारी रोजी सकाळी 7.30 ते 5.30 या वेळेत मतदानाची प्रक्रिया पार पडणार आहे. या मतदान प्रक्रियेत सर्व मतदारांनी तसेच नव मतदार युवक-युवतींनी मोठ्या संख्येने सहभागी होऊन मतदानाचा हक्क बजवावा, असे आवाहन जिल्हाधिकारी संतोष पाटील यांनी केले आहे.

मतदान पथके प्रत्येक मतदान केंद्रावर पोहचली असून या केंद्रांवर चोख पोलीस बंदोबस्त ठेवण्यात आलेला आहे. मतदारांना मतदान केंद्रावर देण्यात येणाऱ्या सुविधा परिपूर्ण करण्यात आलेल्या आहेत.

राज्य घटनेने दिलेला मतदानाचा मौलीक अधिकार प्रत्येक मतदाराने बजावला पाहिजे. तसेच नागरिकांनी मतदान करुन स्थानिक स्वराज्य संस्थांच्या बळकटीकरणामध्ये सहभागी झाले पाहिजे. मतदारांच्या सहभागामुळेच योग्य लोकप्रतिनिधी निवडणे शक्य होणार आहे. मतदानाच्या टक्केवारीत सातारा जिल्हा परिषद अव्वल राहील यासाठी सर्वांनी मोठ्या प्रमाणात मतदान करावे, असे आवाहनही जिल्हाधिकारी संतोष पाटील यांनी केले आहे.

0000