vishwatmaklokswamivarta
Breaking News
व्यवसाय

बॅकींग, फायनान्स, अग्रीकल्चर, शिक्षण क्षेत्रात रोजगाराची संधी पंडित दीनदयाल उपाध्याय प्लेसमेंट ड्राईव्ह/रोजगार मेळाव्याचे आयोजन 

बॅकींग, फायनान्स, अग्रीकल्चर, शिक्षण क्षेत्रात रोजगाराची संधी पंडित दीनदयाल उपाध्याय प्लेसमेंट ड्राईव्ह/रोजगार मेळाव्याचे आयोजन

नांदेड प्रतिनिधी:- नांदेड जिल्ह्यातील बेरोजगार उमेदवारांना रोजगार संधी उपलब्ध व्हावी यासाठी जिल्हा कौशल्य विकास, रोजगार व उद्योजकता मार्गदर्शन केंद्र व स्वा.से.राजासिंग हरिसिंग चव्हाण शासकीय औद्योगिक प्रशिक्षण संस्था मुखेड यांच्या संयुक्त विद्यमाने मंगळवार 12 मे 2026 रोजी सकाळी 10 वा. पासून स्वा.से.राजासिंग हरिसिंग चव्हाण शासकीय औद्योगिक प्रशिक्षण संस्था मुखेड येथे पंडित दीनदयाळ उपाध्याय प्लेसमेंट ड्राईव्ह/रोजगार मेळाव्याचे आयोजन करण्यात आले आहे.

या प्लेसमेंट ड्राईव्ह/रोजगार मेळाव्यामध्ये नामांकित उद्योजकांच्यावतीने मुलाखती घेण्यात येणार असून या रोजगार मेळावा/प्लेसमेंट ड्राईव्हमध्ये एसबीआय लाईफ इन्शुरन्स, मुथ्थुट फायनान्स लि, मेघदूत डेअरी प्रोडक्टस, स्वामी विवेकानंद इंग्लिश स्कूल मुखेड या आस्थापनेकडून रिक्तपदे प्राप्त झाली असून ते प्रत्यक्ष उपस्थीत राहून मुलाखती घेणार आहेत. त्यासाठी कोणत्याही शाखेची पदवी, डिप्लोमा, आयटीआय, एचएससी उत्तीर्ण इत्यादी पात्रताधारक युवक-युवतीसाठी शैक्षणिक पात्रतेनुसार रोजगाराच्या संधी उपलब्ध होणार आहेत.

या मेळाव्यात सहभागी होण्यासाठी विभागाच्या www.rojgar.mahaswayam.gov.in या संकेतस्थळावर उपलब्ध रिक्तपदांना एम्प्लॉयमेंट नोंदणी असलेल्या उमेदवारांनी युजर आयडी व पासवर्डने लॉगीन होऊन ऑनलाईन अप्लाय करावे किंवा पात्रतेनुसार बायोडाटाच्या आवश्यक प्रती घेऊन प्रत्यक्ष मुलाखतीसाठी उपस्थित राहावे.

संकेतस्थळावर नोंदणी करताना अथ​वा रिक्तपदासाठी अप्लाय करताना काही अडचण आल्यास या कार्यालयाच्या दूरध्वनी क्रमांक ०२४६२-२५१६७४ वर कार्यालयीन वेळेत संपर्क साधावा. संबंधीत दिनांकास सकाळी १० वा. कार्यक्रमस्थळी उपस्थीत राहून पात्रतेप्रमाणे विविध नियोक्त्याकडे मुलाखती देवून रोजगार संधीचा लाभ घ्यावा, असे आवाहन सहायक आयुक्त जिल्हा कौशल्य विकास रोजगार व उद्योजकता मार्गदर्शन केंद्र नांदेड यांनी केले आहे.

00000

संबंधित पोस्ट

विभागीय हातमाग कापड स्पर्धेचे आयोजन विणकारांनी सहभाग घेण्याचे आवाहन

तेलबिया व कडधान्य प्रक्रिया उद्योगांना चालना; गोदाम, ऑईल मिल आणि प्रक्रिया युनिटसाठी लाखोंचे अनुदान

सेवा संकल्प अभियान’अंतर्गत बुलढाण्यात २९ सप्टेंबरला ‘रोजगार महाकुंभ’; एकाच दिवशी १३ केंद्रांवर भरती मेळावे

vishwatmaklokswamivarta

शून्यातून विश्व निर्माण करणारी ‘केक क्वीन’: सातारच्या स्मिता बेंद्रे*

माविमची साथ आणि परिश्रमाच्या जोडीतून अगरबत्ती उद्योगाचा दरवळ

वस्त्र पुनर्प्रक्रिया सुविधा प्रकल्पास राजीव गांधी प्रशासकीय गतिमानता अभियानात राज्यस्तरीय व्दितीय पारितोषिक पर्यावरणाची काळजी घेणारा ‘बदलाचे धागे अर्थात थ्रेड्स ऑफ चेंज’ उपक्रम सर्व शहरांसाठी अनुकरणीय..