vishwatmaklokswamivarta
Breaking News
इतर

अमरावतीत २३ नोव्हेंबर रोजी पंडित दीनदयाळ उपाध्याय रोजगार मेळावा’फियाट ऑटोमोबाईल’ कंपनीतील शिकाऊ उमेदवाराच्या ८७ पेक्षा अधिक जागांसाठी भरती,जिनस इन्फ्रास्ट्रक्चर प्रा.लि.मध्ये ७० हून अधिक जागांसाठी भरती

अमरावतीत २३ नोव्हेंबर रोजी पंडित दीनदयाळ उपाध्याय रोजगार मेळावा’फियाट ऑटोमोबाईल’ कंपनीतील शिकाऊ उमेदवाराच्या ८७ पेक्षा अधिक जागांसाठी भरती,जिनस इन्फ्रास्ट्रक्चर प्रा.लि.मध्ये ७० हून अधिक जागांसाठी भरती

 

अमरावती, द प्रतिनिधी : जिल्हा कौशल्य विकास रोजगार व उद्योजकता मार्गदर्शन केंद्र आणि मॉडेल करिअर सेंटर, अमरावती यांच्या संयुक्त विद्यमाने येत्या २३ नोव्हेंबर रोजी जिल्हा कौशल्य विकास रोजगार व उद्योजकता मार्गदर्शन केंद्र अमरावती येथे रोजगार मेळाव्याचे आयोजन करण्यात आले आहे. या मेळाव्यात फियाट इंडिया ऑटोमोबाईल प्रा.कंपनी-पुणे मध्ये शिकाऊ उमेदवार म्हणून ८७ हून अधिक पदांसाठी संधी मिळणार आहे. तसेच अमरावतीतील जिनस इन्फ्रास्ट्रक्चर प्रा.लि.मध्ये अमरावती विभागातील ५ जिल्ह्यांमध्ये कायमस्वरूपी ७० हून अधिक पदांची संधी उपलब्ध होणार आहे.

            नोकरीच्या शोधात असलेल्या सुशिक्षित तरुण-तरुणींसाठी या रोजगार मेळाव्याद्वारे रोजगाराची संधी उपलब्ध झाली आहे. या मेळाव्यात फियाट इंडिया ऑटोमोबाईल प्रा.कंपनीमध्ये शिकाऊ उमेदवार (एप्रिन्टनशीप) म्हणून नेमणूक करण्यात येईल.कंपनीचे प्रतिनिधी प्रत्यक्ष उपस्थित राहून उमेदवारांच्या मुलाखती घेतील. मुलाखतीमध्ये पात्र ठरणाऱ्या उमेदवारांना लगेचच नोकरीची संधी दिली जाणार आहे. या भरती प्रक्रियेद्वारे शिकाऊ उमेदवार म्हणून ८७ हून अधिक पदांसाठी मुलाखती घेण्यात येणार आहे. १८ ते २४ वर्षांच्या पुरुष व महिला उमेदवारांसाठी ही संधी असून उमेदवार १२ वी आणि आयटीआय उत्तीर्ण (सर्व ट्रेड उर्त्तीण उमेदवारांसाठी संधी) असावा. निवड झालेल्या उमेदवारास १८ हजार ८५० रुपये मासिक विद्यावेतन देण्यात येईल.यासोबतच वाहतूक व्यवस्था,कँटिन,गणवेश आणि शेफ्टीशुज अशा सुविधा पुरविण्यात येणार आहे.

        याच मेळाव्यात अमरावतीतील जिनस इन्फ्रास्ट्रक्चर प्रा.लि.मध्ये अमरावती विभागातील अमरावती,अकोला,वाशिम,यवतमाळ आणि बुलढाणा या जिल्ह्यांमध्ये कायमस्वरूपी ७० हून अधिक पदांसाठी नेमणूक करण्यात येईल. कंपनीचे प्रतिनिधी प्रत्यक्ष उपस्थित राहून उमेदवारांच्या मुलाखती घेतील. मुलाखतीमध्ये पात्र ठरणाऱ्या उमेदवारांना मीटर बसविण्यासाठी कायमस्वरुपी नोकरीची संधी दिली जाणार आहे. १८ ते ३५ वर्षांच्या केवळ पुरुष उमेदवारांसाठी ही संधी असून उमेदवार इयत्ता१० वी, इयत्ता १२ वी,डिप्लोमा,पदवीधर उत्तीर्ण असावा. निवड झालेल्या उमेदवारास २० हजार रुपये मासिक वेतन देण्यात येईल.

      इच्छुक उमेदवारांनी २३ नोव्हेंबर रोजी स्वखर्चाने बायोडाटा, पासपोर्ट साईझ फोटो आणि सर्व आवश्यक मूळ कागदपत्रांसह (व छायांकित प्रतींसह) केंद्रावर प्रत्यक्ष उपस्थित राहावे, असे आवाहन जिल्हा कौशल्य विकास, रोजगार व उद्योजकता मार्गदर्शन केंद्राच्या सहायक आयुक्त प्रांजली बारस्कर यांनी केले आहे. याबाबत काही अडचण किंवा अधिक माहिती माहितीसाठी दूरध्वनी क्रमांक ०७२१-२५६६०६६ / ८३०८९५६२३६ / ७६२०५६०१२५ / ८६०५६५४०२५ वर तसेच amravatirojgar@gmail.com या ईमेलवर संपर्क साधता येणार आहे.

००००

संबंधित पोस्ट

चित्रपट पर्यटनाला चालना देण्यासाठी पर्यटन विभाग आणि महाराष्ट्र चित्रपट,रंगभूमी व सांस्कृतिक विकास महामंडळ यांच्यात सामंजस्य करार ‘महाराष्ट्र चित्रपट पर्यटन’ या स्वतंत्र ब्रँडची निर्मिती आणि देश-विदेशात प्रचार करण्यावर भर

vishwatmaklokswamivarta

माजी सैनिकांसाठी ‘आपदा मित्र’ प्रशिक्षण; 27 जानेवारीपर्यंत अर्ज मागविले

vishwatmaklokswamivarta

ठाणे ते मुलुंड रेल्वे स्थानकादरम्यानच्या नवीन स्थानकासाठीचा निधी रेल्वे बोर्डाने तातडीने वर्ग करावा रत्नागिरी- दादर पॅसेंजर पूर्ववत करा, दिवा – सावंतवाडी एक्सप्रेसचा विस्तार सीएसएमटी/ एलटीटी पर्यंत करा,कोकण रेल्वेवर नवीन ट्रेन सुरु करा, मुंबई-मडगांव वंदे भारत एक्सप्रेसची सेवा पूर्ववत करा गणेशोत्सवासाठी जास्तीत जास्त गाड्या सोडा.. खासदार नरेश म्हस्के यांची केंद्रीय रेल्वेमंत्री अश्विनी वैष्णव यांच्याशी विविध मागण्यांवर चर्चा  

सर्वसमावेशकतेमुळे मराठी भाषा समृद्ध – सांस्कृतिक कार्यमंत्री. आशिष शेलार

जिल्हा सामाजिक व आर्थिक समालोचन” पुस्तिकेचे जिल्हाधिकारी किशन जावळे यांच्याहस्ते प्रकाशन 

शासकीय विभागानी नागरिकांना विहित कालमर्यादेत सेवा द्याव्यात – सेवा हक्क आयुक्त चित्रा कुलकर्णी,पारनेर तालुक्यात सेवा वितरणाचा आढावा