vishwatmaklokswamivarta
Breaking News
स्थानिक बातम्या

हुबळी-धारवाड महानगरपालिकेच्या शिष्टमंडळाची बृहन्मुंबई महानगरपालिकेला भेट

हुबळी-धारवाड महानगरपालिकेच्या शिष्टमंडळाची बृहन्मुंबई महानगरपालिकेला भेट

मुंबई प्रतिनिधी-हुबळी-धारवाड महानगरपालिकेच्या शिष्टमंडळाची बृहन्मुंबई महानगरपालिकेला भेट

🔷कर्नाटकातील हुबळी-धारवाड महानगरपालिकेच्या महापौर श्रीमती ज्योती पाटील यांच्यासह शिष्टमंडळाने बृहन्मुंबई महानगरपालिकेला भेट दिली. बृहन्मुंबई महानगरपालिकेच्या विविध विभागांच्या कामकाजाची या शिष्टमंडळाने माहिती जाणून घेतली. तसेच, मुंबईच्या महापौर श्रीमती रितू तावडे यांचीदेखील सदिच्छा भेट घेतली

🔷हुबळी-धारवाड शहराच्या महापौर श्रीमती ज्योती पाटील, उपमहापौर श्री. संतोष चव्हाण, सभागृह नेते तथा माजी महापौर श्री. इरेश आंचतगेरी, विरोधी पक्षनेते श्री. इमाम हुसेन यालिगार, उपआयुक्त (विकास) श्री. विजयकुमार आर. यांचा या शिष्टमंडळात समावेश होता.

🔷बृहन्मुंबई महानगरपालिका मुख्यालयात काल (दिनांक २१ मे २०२६) दिलेल्या भेटीप्रसंगी या शिष्टमंडळासमोर बृहन्मुंबई महानगरपालिकेच्या विविध विभागांनी सादरीकरण केले. यामध्ये महानगरपालिका सचिव विभाग, व्यवसाय विकास विभाग, घनकचरा व्यवस्थापन विभाग, पर्यावरण विभाग, पायाभूत सुविधा विभाग आदींचा समावेश होता. सादरीकरणांसह नागरी सेवा व सुविधा, पायाभूत सुविधा, सार्वजनिक स्वच्छता, सार्वजनिक आरोग्य सुविधा, घनकचरा व्यवस्थापन तसेच इतरही सेवा अधिक प्रभावी करण्यासंदर्भात सविस्तर चर्चा करण्यात आली. शिष्टमंडळाने बृहन्मुंबई महानगरपालिकेच्या कार्यपद्धतीचे कौतुक करत भविष्यात विविध क्षेत्रांमध्ये सहकार्य वाढवण्याची भूमिका व्यक्त केली. सर्व बैठकांनंतर या शिष्टमंडळाने महानगरपालिका मुख्यालयातील आपत्कालीन व्यवस्थापन विभागातील नियंत्रण कक्षालाही भेट दिली.

🔷यानंतर, शिष्टमंडळाने मुंबईच्या महापौर श्रीमती रितू तावडे यांचीही भेट घेतली. यावेळी बृहन्मुंबई महानगरपालिकेचे सभागृह नेते श्री. गणेश खणकर, स्थायी समिती अध्यक्ष श्री. प्रभाकर शिंदे, शिक्षण समिती अध्यक्ष श्रीमती राजेश्री शिरवडकर आदी मान्यवर उपस्थित होते.

00000

संबंधित पोस्ट

ठाण्यात पुन्हा रंगणार गरब्याचा महासोहळा ! ‘रास-रंग ठाणे २०२६’ची जय्यत तयारी  ११ ऑक्टोबरपासून दहा रात्री ठाणेकर थिरकणार  नैतिक नागदा, एन २ बँडसह नामवंत गायकांची पर्वणी, विशेष मुलांसाठी व ठाणे मनपा विद्यार्थ्यांसाठी स्वतंत्र गरबा…

vishwatmaklokswamivarta

मोठी बातमी -आज दि.४ जुलै २०२६ रोजी अतिवृष्टीचा इशारा विचारात घेऊन ठाणे जिल्ह्यातील सर्व अंगणवाडी, सर्व माध्यमाच्या प्राथमिक, माध्यमिक व उच्च माध्यमिक शाळांना सुट्टी जाहीर करण्यात आली 

खरीप पीकस्पर्धा जाहीर; अर्जाची मुदत 10 ऑगस्टv अन्नधान्य, कडधान्य व गळीतधान्य पिकांसाठी ऑनलाइन अर्ज प्रक्रिया सुरू

मेळघाटच्या नागरिकांचे जीवनमान सुधारण्यासाठी प्रयत्नकरणार*जिल्हाधिकारी कार्यालयातील बैठकीत विविध विषयांवर चर्चा

गावाच्या एकजुटीतून जलसमृद्धीचा नवा अध्याय!रायगडच्या फळशेत ग्रामस्थांचा अनुकरणीय पुढाकार; लोकसहभाग, श्रमदान आणि पर्यावरण संवर्धनाचा अनोखा संगम.

vishwatmaklokswamivarta

नावीन्यपूर्ण विकासकामांतून अहिल्यानगरला राज्यातील अग्रगण्य शहर बनविणार – पालकमंत्री राधाकृष्ण विखे पाटीलचितळे रोड येथे नेहरू मार्केट भूमिपूजन समारंभ उत्साहात संपन्न