vishwatmaklokswamivarta
Breaking News
स्थानिक बातम्या

मुंबईत म्हाडाच्या अतिक्रमणविरोधी कारवाईवर भेदभावाचे आरोप; शिवसेना आणि भाजपच्या कार्यालयांवर JCB, तर राष्ट्रवादी काँग्रेसच्या कार्यालयाला दिलासा!

मुंबईत म्हाडाच्या अतिक्रमणविरोधी कारवाईवर भेदभावाचे आरोप; शिवसेना आणि भाजपच्या कार्यालयांवर JCB, तर राष्ट्रवादी काँग्रेसच्या कार्यालयाला दिलासा!

मुंबई प्रतिनिधी (अँटॉप हिल) : मुंबईतील अँटॉप हिल परिसरातील सेक्टर-1 मधील सीजीएस कॉलनी येथील स्वप्नपुत्री को-ऑपरेटिव्ह हाऊसिंग सोसायटीच्या म्हाडा कॉम्प्लेक्सजवळील रस्ता आणि पदपथावरील कथित अनधिकृत बांधकामांवर आज म्हाडाच्या अधिकाऱ्यांकडून कारवाई करण्यात आली

या कारवाईदरम्यान म्हाडाच्या अधिकाऱ्यांनी JCB च्या सहाय्याने विविध अनधिकृत बांधकामे हटवली. यामध्ये शिवसेना आणि भाजपच्या कार्यालयांवरील बांधकामांचाही समावेश होता.मात्र, मुख्य इमारतीच्या शेजारी असलेल्या राष्ट्रवादी काँग्रेसचे (अजित पवार गट) अरिफ यांच्या कार्यालयावर कारवाई करताना वेगळी भूमिका घेतल्याचा आरोप स्थानिक नागरिकांकडून करण्यात आला. संबंधित कार्यालयाला न्यायालयाकडून स्थगिती आदेश (Stay Order) असल्याचे म्हाडाच्या अधिकाऱ्यांनी सांगितले.

या प्रकरणी स्थानिक काँग्रेसचे सरचिटणीस सुफियान वाणी यांनी म्हाडाच्या कारवाईवर प्रश्नचिन्ह उपस्थित केले. भाजप आणि शिवसेनेच्या कार्यालयांवरील बांधकामांवर JCB चालवण्यात आले, तर राष्ट्रवादी काँग्रेसचे अरिफ यांच्या कार्यालयावरील कथित १४ फूट उंचीचे अनधिकृत शेड अत्यंत काळजीपूर्वक स्क्रूड्रायव्हरच्या सहाय्याने हटवण्यात आल्याचा आरोप त्यांनी केला.

सामान्य नागरिकांच्या तसेच राजकीय पक्षांच्या कार्यालयांवरील बांधकामांवर कारवाई करताना वेगवेगळे निकष का लावले जात आहेत? भाजप आणि शिवसेनेच्या कार्यालयांवर थेट JCB चालवण्यात आले, मग राष्ट्रवादी काँग्रेसच्या कार्यालयाला एवढी सवलत का देण्यात आली? असा सवाल सुफियान वाणी यांनी उपस्थित केला.

या कारवाईमुळे म्हाडाच्या अधिकाऱ्यांकडून भेदभाव केला जात असल्याचा आरोप स्थानिक नागरिकांकडून करण्यात येत असून, कारवाईच्या पद्धतीबाबत परिसरात चर्चा सुरू झाली आहे.दरम्यान, या प्रकरणी राष्ट्रवादी काँग्रेस (अजित पवार गट) चे अरिफ सय्यद यांच्याशी संवाद साधला असता त्यांनी आपली बाजू मांडताना सांगितले की,

“माझे कार्यालय गेल्या ३० वर्षांपासून अस्तित्वात आहे. माझ्या कार्यालयासंदर्भात यापूर्वीच न्यायालयाचा स्थगिती आदेश (Stay Order) आहे. असे असतानाही म्हाडाच्या अधिकाऱ्यांनी स्थगिती आदेशाची दखल न घेता १२ फुटांवरील संपूर्ण बांधकाम तोडले.”न्यायालयाचा स्थगिती आदेश असतानाही आपल्या कार्यालयाची तोडफोड करण्यात आल्याचा आरोप अरिफ सय्यद यांनी केला.या संपूर्ण प्रकरणात म्हाडाच्या कारवाईची पद्धत, न्यायालयाच्या स्थगिती आदेशाची अंमलबजावणी आणि सर्व संबंधितांवर समान निकष लावण्यात आले होते का, याबाबत आता स्थानिक नागरिकांकडून स्पष्टीकरणाची मागणी होत आहे.

संबंधित पोस्ट

राजीव गांधी प्रशासकीय गतिमानता (प्रगती) अभियानशासकीय कर्मचारी गटात हृषिकेश आंग्रे यांना राज्यस्तरीय पुरस्कार  मुख्यमंत्र्यांच्या हस्ते मुंबईत पुरस्कार वितरण

नियम पाळण्याची तयारी, साऊंड सिस्टीमला परवानगी द्या; नकाराचे लेखी कारण द्या डॉ. बाबासाहेब आंबेडकर साऊंड लाईट संघटनेचे जिल्हाधिकारी व पोलीस अधीक्षकांना निवेदन; व्यवसायावर निर्बंध आल्यास रोजगाराचा प्रश्न निर्माण होण्याची भीती…

मच्छिमार आणि महिला कामगारांसाठी विश्रामगृह तातडीने खुले करण्याचे मंत्री नितेश राणे यांचे निर्देश ससून डॉक बाबत घेतली आढावा बैठक

यूएई आणि भारतामधील बँकिंग भागीदारी भारतीय अर्थव्यवस्थेच्या उत्कर्षाचे प्रतीक – मुख्यमंत्री देवेंद्र फडणवीस केंद्रीय वित्त मंत्री निर्मला सीतारामन यांचा दूरदृष्य संवाद प्रणालीद्वारे सहभाग

विधानपरिषद साठी भास्कर आबा दानवे यांच्या उमेदवारीची शिफारस करा भाजपा पदाधिकारी व कार्यकर्त्यांचे माजी केंद्रीय मंत्री रावसाहेब पाटील दानवेंना निवेदन

मुख्य निवडणूक निरीक्षकांकडून माध्यम नियंत्रण कक्षाची व निवडणूक तक्रार निवारण कक्षाची पाहणी …