vishwatmaklokswamivarta
Breaking News
ठळक बातम्याप्रदेश

विहिरीत पडलेल्या दुर्मीळ काळ्या बिबट्याला जीवदान; पालकमंत्री डॉ. उदय सामंत यांच्याकडून वनविभागाच्या कामगिरीचे कौतुक

विहिरीत पडलेल्या दुर्मीळ काळ्या बिबट्याला जीवदान; पालकमंत्री डॉ. उदय सामंत यांच्याकडून वनविभागाच्या कामगिरीचे कौतुक

रत्नागिरी, प्रतिनिधी: वनविभागाने अत्यंत धाडसाने विहिरीत पडलेल्या दुर्मीळ काळ्या बिबट्याच्या (ब्लॅक पॅंथर) पिल्लाला सुखरूप रेस्क्यू करून जीवदान दिले आहे. या यशस्वी मोहिमेनंतर राज्याचे मंत्री तथा जिल्ह्याचे पालकमंत्री डॉ. उदय सामंत यांनी चिपळून येथील वन विभागाच्या कार्यालयाला भेट देत वनविभागाच्या अधिकारी व कर्मचाऱ्यांचे मनापासून अभिनंदन केले.

यावेळी नगराध्यक्ष उमेश सकपाळ, उप विभागीय वन अधिकारी गिरिजा देसाई, सहायक वन अधिकारी प्रियांका लगड आदी उपस्थित होते. माध्यमांशी बोलताना पालकमंत्री डॉ. उदय सामंत यांनी वनविभागाच्या कार्यतत्परतेचे विशेष कौतुक केले. ते म्हणाले, “ब्लॅक पॅंथर हा अत्यंत दुर्मीळ असून त्याचे अस्तित्व फार कमी ठिकाणी पाहायला मिळते. मात्र, गेल्या तीन-चार महिन्यांत जिल्ह्यात अशा प्रकारे ब्लॅक पॅंथर आढळण्याची आणि वनविभागाने त्यांना सुखरूप वाचवण्याची ही दुसरी घटना आहे. या कामगिरीवरून वनविभागाची रेस्क्यू टीम संपूर्ण महाराष्ट्रात ‘नंबर वन’ असल्याचे पुन्हा एकदा सिद्ध झाले आहे.

”जिल्ह्यातील महिला वनाधिकाऱ्यांच्या नेतृत्वाचे कौतुक करताना डॉ. सामंत पुढे म्हणाले, “आमच्या जिल्ह्याच्या दोन्ही प्रमुख वनाधिकारी या महिला आहेत. महिला असूनही अत्यंत सक्षमपणाने आणि धाडसाने त्या अशा आक्रमक वन्यप्राण्यांना हाताळतात आणि रेस्क्यू करतात, ही अभिमानास्पद बाब आहे. त्यांचे शंभर टक्के कौतुक केलेच पाहिजे.

हा प्राणी स्वभावतः आक्रमक असूनही या संपूर्ण मोहिमेदरम्यान त्याने कोणत्याही नागरिकाला किंवा कर्मचाऱ्याला इजा पोहोचवली नाही आणि वनविभागानेही त्याला कोणतीही हानी न पोहोचवता अत्यंत कुशलतेने सुरक्षित बाहेर काढले, याबद्दल पालकमंत्र्यांनी संपूर्ण टीमचे आभार मानले. या घटनेमुळे परिसरात या दुर्मीळ काळ्या बिबट्याला पाहण्यासाठी नागरिकांमध्ये मोठे कुतूहल पाहायला मिळाले.

०००

संबंधित पोस्ट

जालना विशेष जिल्हा व सत्र न्यायालयाने तीन वर्षीय बालिकेवरील लैंगिक अत्याचार प्रकरणात अवघ्या ५७ दिवसांत निकाल देत आरोपीला नैसर्गिक जीवनापर्यंत आजन्म कारावास आणि ५० हजार रुपये दंडाची शिक्षा सुनावली.

vishwatmaklokswamivarta

दुष्काळी परिस्थितीच्या पार्श्वभूमीवर मजुरांना गावातच तात्काळ कामे उपलब्ध करून द्यावीत  -जिल्हाधिकारी आशिमा मित्तल,जलसंधारण व मृदसंधारणाच्या कामांना प्राधान्य; जालना जलकवच अभियान प्रभावीपणे राबविण्याचे जिल्हाधिकारी अशिमा मित्तल यांचे निर्देश

टीसीएस’मध्ये दीडशे पदे भरणार; जिल्ह्यातील युवकांना संधी अकोल्यात १५ एप्रिलला पं. दीनदयाळ उपाध्याय रोजगार मेळावा

कुणबी जात प्रमाणपत्रासाठी नागरीकांच्‍या मदतीसाठी हेल्‍पलाईन

हिंदूंच्या मनातील शौर्याची भावना पुन्हा प्रज्ज्वलित होण्यासाठी हिंदु जनजागृती समितीच्या वतीने विजयादशमीनिमित्त नवी मुंबई, ठाणे आणि रायगड जिल्ह्यांसह देशभरात १५० हूनअधिक ठिकाणी ‘सामूहिक शस्त्रपूजन’ !

vishwatmaklokswamivarta

जालना जिल्हा लोकअदालतीत 713 प्रकरणे निकाली;14 कोटी 33 लाखाहून अधिक तडजोड शुल्क वसूल• दोन विखुरलेले संसार पुन्हा बहरले