संत रोहिदास चर्मोद्योग व चर्मकार विकास महामंडळ मर्यादित, मुंबई शहर यांच्या मार्फत सन २०२६-२७ साठी ‘५० टक्के अनुदान योजना’ (७ लाभार्थी) आणि ‘बीज भांडवल योजना’ (१० लाभार्थी’) याअंतर्गत पात्र लाभार्थ्यांकडून कर्ज प्रस्ताव..
राज्य प्रतिनिधी-#चर्मकार समाजातील (चांभार, मोची, ढोर, होलार आदी) बांधवांना स्वावलंबी बनविण्यासाठी व त्यांच्या आर्थिक उन्नतीला चालना देण्यासाठी विविध शासकीय योजना राबविण्यात येत आहेत. संत रोहिदास चर्मोद्योग व चर्मकार विकास महामंडळ मर्यादित, मुंबई शहर यांच्या मार्फत सन २०२६-२७ साठी ‘५० टक्के अनुदान योजना’ (७ लाभार्थी) आणि ‘बीज भांडवल योजना’ (१० लाभार्थी’) याअंतर्गत पात्र लाभार्थ्यांकडून कर्ज प्रस्ताव मागविण्यात आले आहेत.
अर्जासोबत जातीचा दाखला, उत्पन्नाचा दाखला, रहिवासी दाखला, रेशनकार्ड, आधारकार्ड, मतदान ओळखपत्र, शैक्षणिक प्रमाणपत्रे, पॅनकार्ड, उद्योग आधार प्रमाणपत्र, व्यवसायाच्या जागेचा पुरावा, ग्रामपंचायत,नगरपालिका, महानगरपालिका यांचे ना हरकत प्रमाणपत्र जोडणे आवश्यक आहे.
व्यवसायासंदर्भातील तांत्रिक प्रमाणपत्र व अनुभवाचा दाखला, आवश्यकतेनुसार प्रकल्प अहवाल, जीएसटी क्रमांक असलेले दरपत्रक जोडवे. शंभर रुपयांच्या स्टॅम्प पेपरवर अर्जदाराचे वारसदारांच्या स्वाक्षरीसह नामांकन शपथपत्र; तसेच जामीनदारांचे वीज नमुन्यातील शपथपत्र, आधार संलग्न बँक खाते तपशील, सक्षम जामिनदारांची कागदपत्रे आणि बँकेचा सिबिल अहवाल आदी आवश्यक कागदपत्रे जोडणे बंधनकारक आहे.
इच्छुक लाभार्थ्यांनी आवश्यक कागदपत्रांसह अर्जाच्या तीन प्रती कार्यालयीन वेळेत जिल्हा कार्यालय, संत रोहिदास चर्मोद्योग व चर्मकार विकास महामंडळ मर्यादित, मुंबई शहर, गव्हर्नमेंट लेदर वर्किंग स्कूल कंपाऊंड, खेरवाडी, बांद्रा (पूर्व), मुंबई – ४०००५१ येथे स्वतः उपस्थित राहून मूळ कागदपत्रांच्या पडताळणीसह कर्ज प्रस्ताव दाखल करावेत.
