29 वर्षीय तरुणी राबोडी येथून बेपत्ता शोध घेण्याचे राबोडी पोलिसांचे आवाहन
ठाणे, प्रतिनिधी:- राबोडी येथील क्रांतीनगर परिसरामध्ये राहणारी २९ वर्षीय रिजवान बानो वाहीद अली सलमानी ही तरुणी तिच्या घरातून अचानक रहस्यमयरीत्या बेपत्ता झाल्याची घटना समोर आली आहे. या प्रकरणी राबोडी पोलीस ठाण्यात अधिकृत मिसिंगची नोंद करण्यात आली असून, पोलीस प्रशासनाकडून संबंधित तरुणीचा युद्धपातळीवर शोध सुरू आहे. मिळालेल्या माहितीनुसार, राबोडीतील गल्ली नंबर १४, क्रांतीनगर येथील रहिवासी असलेली रिजवान बानो ही तरुणी १२ जुलै २०२६ रोजी सायंकाळी ५:०० वाजताच्या सुमारास आपल्या राहत्या घरातून कोणालाही काहीही न सांगता निघून गेली. बराच वेळ उलटूनही ती परत न आल्याने नातेवाइकांनी तिचा शोध सुरू केला; मात्र तिची कोणतीही माहिती न मिळाल्याने अखेर कुटुंबाने राबोडी पोलीस ठाण्यात धाव घेतली. या घटनेप्रकरणी १३ जुलै रोजी राबोडी पोलीस ठाण्यात मिसिंग रजिस्टर क्रमांक T३९/२०२६ नुसार गुन्हा दाखल करण्यात आला आहे.
बेपत्ता तरुणीचे वर्णन करताना पोलिसांनी सांगितले की, २९ वर्षीय रिजवान बानो हिचा रंग गोरा, चेहरा गोल, नाक सरळ आणि बांधा मध्यम आहे. तिचे डोक्याचे केस काळे असून थोडे लांब आहेत. घरून निघताना तिने अंगात काळ्या रंगाचा बुरखा आणि पायात पांढऱ्या रंगाची सॅन्डल परिधान केली होती. तिच्यासोबत ओप्पो कंपनीचा मोबाईल फोन असून त्यात ६३८७०८६९६९ या क्रमांकाचे जिओ सिम कार्ड असल्याची माहिती समोर आली आहे.
या प्रकरणाचा पुढील तपास राबोडी पोलीस ठाण्याचे पोलीस उपनिरीक्षक तुषार पोतेकर करत आहेत. सदर वर्णनाची तरुणी कोणाला दिसून आल्यास अथवा तिच्याबाबत काहीही माहिती मिळाल्यास नागरिकांनी तात्काळ राबोडी पोलीस ठाण्याशी किंवा जवळच्या पोलीस स्टेशनशी संपर्क साधावा, असे आवाहन ठाणे शहर पोलीस प्रशासनाने आहे.
00000
