vishwatmaklokswamivarta
Breaking News
इतर

अमरावतीत २३ नोव्हेंबर रोजी पंडित दीनदयाळ उपाध्याय रोजगार मेळावा’फियाट ऑटोमोबाईल’ कंपनीतील शिकाऊ उमेदवाराच्या ८७ पेक्षा अधिक जागांसाठी भरती,जिनस इन्फ्रास्ट्रक्चर प्रा.लि.मध्ये ७० हून अधिक जागांसाठी भरती

अमरावतीत २३ नोव्हेंबर रोजी पंडित दीनदयाळ उपाध्याय रोजगार मेळावा’फियाट ऑटोमोबाईल’ कंपनीतील शिकाऊ उमेदवाराच्या ८७ पेक्षा अधिक जागांसाठी भरती,जिनस इन्फ्रास्ट्रक्चर प्रा.लि.मध्ये ७० हून अधिक जागांसाठी भरती

 

अमरावती, द प्रतिनिधी : जिल्हा कौशल्य विकास रोजगार व उद्योजकता मार्गदर्शन केंद्र आणि मॉडेल करिअर सेंटर, अमरावती यांच्या संयुक्त विद्यमाने येत्या २३ नोव्हेंबर रोजी जिल्हा कौशल्य विकास रोजगार व उद्योजकता मार्गदर्शन केंद्र अमरावती येथे रोजगार मेळाव्याचे आयोजन करण्यात आले आहे. या मेळाव्यात फियाट इंडिया ऑटोमोबाईल प्रा.कंपनी-पुणे मध्ये शिकाऊ उमेदवार म्हणून ८७ हून अधिक पदांसाठी संधी मिळणार आहे. तसेच अमरावतीतील जिनस इन्फ्रास्ट्रक्चर प्रा.लि.मध्ये अमरावती विभागातील ५ जिल्ह्यांमध्ये कायमस्वरूपी ७० हून अधिक पदांची संधी उपलब्ध होणार आहे.

            नोकरीच्या शोधात असलेल्या सुशिक्षित तरुण-तरुणींसाठी या रोजगार मेळाव्याद्वारे रोजगाराची संधी उपलब्ध झाली आहे. या मेळाव्यात फियाट इंडिया ऑटोमोबाईल प्रा.कंपनीमध्ये शिकाऊ उमेदवार (एप्रिन्टनशीप) म्हणून नेमणूक करण्यात येईल.कंपनीचे प्रतिनिधी प्रत्यक्ष उपस्थित राहून उमेदवारांच्या मुलाखती घेतील. मुलाखतीमध्ये पात्र ठरणाऱ्या उमेदवारांना लगेचच नोकरीची संधी दिली जाणार आहे. या भरती प्रक्रियेद्वारे शिकाऊ उमेदवार म्हणून ८७ हून अधिक पदांसाठी मुलाखती घेण्यात येणार आहे. १८ ते २४ वर्षांच्या पुरुष व महिला उमेदवारांसाठी ही संधी असून उमेदवार १२ वी आणि आयटीआय उत्तीर्ण (सर्व ट्रेड उर्त्तीण उमेदवारांसाठी संधी) असावा. निवड झालेल्या उमेदवारास १८ हजार ८५० रुपये मासिक विद्यावेतन देण्यात येईल.यासोबतच वाहतूक व्यवस्था,कँटिन,गणवेश आणि शेफ्टीशुज अशा सुविधा पुरविण्यात येणार आहे.

        याच मेळाव्यात अमरावतीतील जिनस इन्फ्रास्ट्रक्चर प्रा.लि.मध्ये अमरावती विभागातील अमरावती,अकोला,वाशिम,यवतमाळ आणि बुलढाणा या जिल्ह्यांमध्ये कायमस्वरूपी ७० हून अधिक पदांसाठी नेमणूक करण्यात येईल. कंपनीचे प्रतिनिधी प्रत्यक्ष उपस्थित राहून उमेदवारांच्या मुलाखती घेतील. मुलाखतीमध्ये पात्र ठरणाऱ्या उमेदवारांना मीटर बसविण्यासाठी कायमस्वरुपी नोकरीची संधी दिली जाणार आहे. १८ ते ३५ वर्षांच्या केवळ पुरुष उमेदवारांसाठी ही संधी असून उमेदवार इयत्ता१० वी, इयत्ता १२ वी,डिप्लोमा,पदवीधर उत्तीर्ण असावा. निवड झालेल्या उमेदवारास २० हजार रुपये मासिक वेतन देण्यात येईल.

      इच्छुक उमेदवारांनी २३ नोव्हेंबर रोजी स्वखर्चाने बायोडाटा, पासपोर्ट साईझ फोटो आणि सर्व आवश्यक मूळ कागदपत्रांसह (व छायांकित प्रतींसह) केंद्रावर प्रत्यक्ष उपस्थित राहावे, असे आवाहन जिल्हा कौशल्य विकास, रोजगार व उद्योजकता मार्गदर्शन केंद्राच्या सहायक आयुक्त प्रांजली बारस्कर यांनी केले आहे. याबाबत काही अडचण किंवा अधिक माहिती माहितीसाठी दूरध्वनी क्रमांक ०७२१-२५६६०६६ / ८३०८९५६२३६ / ७६२०५६०१२५ / ८६०५६५४०२५ वर तसेच amravatirojgar@gmail.com या ईमेलवर संपर्क साधता येणार आहे.

००००

संबंधित पोस्ट

उपमुख्यमंत्री एकनाथ शिंदे यांच्या उपस्थितीत प्रहार संघटनेचे नेते बच्चू कडू यांचा कार्यकर्त्यांसह शिवसेनेत प्रवेश.

सातारा जिल्हा पर्यटन छायाचित्र प्रदर्शनाचे सार्वजनिक बांधकाम मंत्री श्रीमंत छत्रपती शिवेंद्रसिंहराजे भोसले यांच्या हस्ते उद्घाटन

आता जालन्याच्या लेकी घेणार आकाशात भरारी! ✈️महिला कमर्शियल पायलट घडविण्यासाठी जिल्हाधिकारी आशिमा मित्तल यांचा पुढाकार

vishwatmaklokswamivarta

जात प्रमाणपत्र पडताळणीतील त्रुटींच्या पूर्ततेसाठी विशेष शिबिराचे आयोजन-‘सेवा संकल्प अभियान’ कालावधीत विद्यार्थ्यांच्या प्रलंबित प्रकरणांचा तातडीने निपटारा करण्यासाठी उपक्रम

vishwatmaklokswamivarta

vishwatmaklokswamivarta

मराठवाडा मुक्ती संग्राम : स्वातंत्र्य, लोकशक्ती आणि राष्ट्रीय एकात्मतेचा गौरवशाली अध्याय

vishwatmaklokswamivarta