पंतप्रधान नरेंद्र मोदी सेशेल्सच्या राजकीय दौऱ्यासाठी आज सेशेल्समध्ये दाखल झाले. विमानतळावर सेशेल्सचे राष्ट्रपती पेट्रीक हार्मिनी यांनी त्यांचे उत्साहपूर्ण स्वागत केले.
विदेश प्रतिनिधी-पंतप्रधान नरेंद्र मोदी सेशेल्सच्या राजकीय दौऱ्यासाठी आज सेशेल्समध्ये दाखल झाले. विमानतळावर सेशेल्सचे राष्ट्रपती पेट्रीक हार्मिनी यांनी त्यांचे उत्साहपूर्ण स्वागत केले.
या दौऱ्यामुळे भारत-सेशेल्समधील दीर्घकालीन मैत्रीपूर्ण आणि धोरणात्मक भागीदारीला अधिक बळ मिळण्याबरोबरच सागरी सहकार्य, विकास, सुरक्षा आणि इतर महत्त्वाच्या क्षेत्रांतील सहकार्याचा विस्तार होण्याची अपेक्षा आहे.
सेशेल्समध्ये स्वागतावेळी सादर करण्यात आलेल्या कच्छच्या पारंपरिक लोकनृत्याचे पंतप्रधान नरेंद्र मोदी यांनी कौतुक केले.
जगाच्या कानाकोपऱ्यात भारतीय प्रवासी समाज भारताच्या समृद्ध, वैविध्यपूर्ण सांस्कृतिक परंपरांचे जतन आणि संवर्धन करत असल्याचे हे सुंदर उदाहरण असल्याचे त्यांनी नमूद केले. भारताची सांस्कृतिक ओळख जागतिक स्तरावर अभिमानाने जपणाऱ्या भारतीय वंशीयांचे त्यांनी अभिनंदन केले.
