vishwatmaklokswamivarta
Breaking News
प्रदेश

चिपळूणमध्ये नदी गाळ उपसा मोहिमेला वेग; वाशिष्ठीतून १० लाख क्युबिक मीटर गाळ काढणार – पालकमंत्री डॉ. उदय सामंत

चिपळूणमध्ये नदी गाळ उपसा मोहिमेला वेग; वाशिष्ठीतून १० लाख क्युबिक मीटर गाळ काढणार – पालकमंत्री डॉ. उदय सामंत

रत्नागिरी, प्रतिनिधी चिपळूणसह संपूर्ण जिल्ह्यातील नद्यांमधील गाळ काढण्याच्या कामाला आता मोठी गती मिळणार आहे. पालकमंत्री डॉ. उदय सामंत यांच्या अध्यक्षतेखाली चिपळूण येथे पार पडलेल्या महत्त्वपूर्ण बैठकीत वाशिष्ठी नदीतून यावर्षी तब्बल १० लाख क्युबिक मीटर गाळ काढण्याचा निर्णय घेण्यात आला आहे. बैठकीनंतर पत्रकारांशी संवाद साधताना पालकमंत्र्यांनी या निर्णयांची सविस्तर माहिती दिली

नाम फाउंडेशनकडे जबाबदारी: राज्य शासनाने ‘नाम फाउंडेशन’सोबत ३१ रुपये प्रती क्युबिक मीटर दराने सामंजस्य करार (MoU) केला आहे. त्यानुसार, वाशिष्ठी नदीतील १० लाख क्युबिक मीटर गाळ काढण्याची संपूर्ण वर्कऑर्डर शासनाच्या नियमांनुसार नाम फाउंडेशनला देण्याचा निर्णय घेण्यात आला आहे

छोट्या नद्यांसाठी ५ कोटींचा निधी: जिल्ह्यातील ज्या छोट्या आणि नोंद नसलेल्या नद्या आहेत, त्यांच्या गाळ उपशासाठी जिल्हा नियोजन मंडळातून (DPDC) ५ कोटी रुपयांचा निधी मंजूर करण्यात आला आहे. स्थानिक अधिकाऱ्यांनी प्रत्येक तालुक्यातील व मतदारसंघातील प्रत्येकी दोन नद्यांची निवड करावी, असे निर्देश पालकमंत्र्यांनी दिले आहेत. या नद्यांतील गाळही ३१ रुपये प्रती क्युबिक मीटर दरानेच काढला जाईल.

जिल्ह्यातील प्रमुख नद्यांचा समावेश: वाशिष्ठीसोबतच जगबुडी, शास्त्री आणि अर्जुना यांसारख्या जिल्ह्यातील सहा मोठ्या नद्यांमधील साचलेला गाळ काढण्यासाठीही एक विशेष मोहीम राबवली जाणार असल्याचे डॉ. सामंत यांनी स्पष्ट केले.

या सकारात्मक निर्णयांमुळे जिल्ह्यातील नद्यांचे पुनरुज्जीवन होऊन पूरनियंत्रणास मोठी मदत होईल, असा विश्वास पालकमंत्र्यांनी यावेळी व्यक्त केला.

००००

संबंधित पोस्ट

भटक्या-विमुक्त जमातीतील मुला-मुलींनी शिक्षण घेऊन मुख्य प्रवाहात यावे – मंत्री संजय राठोड,कांचनवाडी परिसरातील भटक्या-विमुक्त समाजाच्या वस्त्यांना भेट; समाजबांधवांच्या समस्या जाणून घेतल्या

vishwatmaklokswamivarta

कर्तृत्वाचा महामेरू : नारायण राणे म्हणजे धडाडीचे नेतृत्व आणि मार्गदर्शक दीपस्तंभ – मुख्यमंत्री देवेंद्र फडणवीस माजी मुख्यमंत्री, खासदार नारायण राणे यांचा ‘अमृत महोत्सवी’ वर्ष पदार्पण सोहळा

जिल्ह्यातील पाणीटंचाईग्रस्त ५१ गावांसाठी ५८ विंधण विहिरी व १० कुपनलिकांना प्रशासकीय मंजुरी; जिल्हाधिकारी डॉ. प्रविणकुमार देवरे यांचे आदेश; कामे ३० जूनपूर्वी पूर्ण करण्याच्या सूचना

इयत्ता १० वी, १२ वी पुरवणी परीक्षा;५८१९ विद्यार्थ्यांसाठी २४ केंद्रांवर सज्जता

रायगड जिल्ह्यात पुढील ५ दिवस उष्ण व दमट हवामानाची शक्यता🌡️

मिशन लक्षवेध’ अंतर्गत कुस्ती खेळाडूंची फेर निवड चाचणी; 6 मे रोजी आयोजन*इच्छुक खेळाडूंनी आपले अर्ज 30 एप्रिलपर्यंत सादर करावेत