vishwatmaklokswamivarta
Breaking News
प्रदेशस्थानिक बातम्या

बालकांच्या सर्वांगीण विकासासाठी कौशल्य प्रशिक्षणावर भर : जिल्हाधिकारी आशिमा मित्तल

बालकांच्या सर्वांगीण विकासासाठी कौशल्य प्रशिक्षणावर भर : जिल्हाधिकारी आशिमा मित्तल

जालना, प्रतिनिधी):बालकांचे भविष्य, व्यक्तिमत्त्व विकास आणि स्वावलंबनाला प्राधान्य देत जिल्ह्यातील बालकांसाठी कौशल्य विकास प्रशिक्षण सुरू करण्यावर भर देण्यात यावा, अशा सूचना जिल्हाधिकारी आशिमा मित्तल यांनी दिल्या.
 जिल्हाधिकारी आशिमा मित्तल यांनी जालना येथील शासकीय मुलांचे निरीक्षणगृह व बालगृहाला सदिच्छा भेट देऊन संस्थेची प्रत्यक्ष पाहणी केली. यावेळी त्यांनी संस्थेतील विविध समस्यांबाबत, बालकांच्या गरजा, शिक्षण आणि प्रगतीबाबत आस्थेवाईकपणे संवाद साधला. तसेच संस्थेतील विधिसंघर्षग्रस्त बालके आणि काळजी व संरक्षणाची गरज असलेल्या बालकांच्या संगोपन व संरक्षणाचा आढावा घेतला.
बालकांच्या सुप्त कलागुणांना वाव मिळावा, त्यांच्यात आत्मविश्वास निर्माण व्हावा आणि त्यांना स्वावलंबी बनता यावे, यासाठी कौशल्य विकास प्रशिक्षण सुरू करण्यावर त्यांनी विशेष भर दिला. बालकांचे शारीरिक व मानसिक आरोग्य उत्तम राहण्यासाठी चित्रकला, योगासने आणि प्राणायाम यांसारखे उपक्रम नियमितपणे राबविण्याच्या सूचनाही त्यांनी दिल्या.
बालकांच्या मानसिक आरोग्याबाबत संवेदनशील भूमिका घेत जिल्हाधिकाऱ्यांनी मानसोपचार तज्ज्ञांमार्फत बालकांचे समुपदेशन करण्याच्या सूचना दिल्या. बालकांना केवळ निवारा व सुविधा देणे पुरेसे नसून त्यांना भावनिक आधार, योग्य मार्गदर्शन आणि विकासाच्या संधी उपलब्ध करून देणे आवश्यक असल्याचे त्यांनी स्पष्ट केले.
यावेळी जिल्हाधिकारी मित्तल यांनी संस्थेच्या कामकाजाचा सविस्तर आढावा घेतला. या भेटीप्रसंगी जिल्हा महिला व बाल विकास अधिकारी राजेंद्र कड, बाल कल्याण समितीचे सदस्य तसेच संस्थेचे कर्मचारी उपस्थित होते.

-*-*-*-*-*-*-*-

संबंधित पोस्ट

होळीच्या पार्श्वभूमीवर कोकणात जाणाऱ्या प्रवाशांसाठी आनंदाची बातमी! 🎉🚆भारतीय रेल्वे कडून-होळीच्या पार्श्वभूमीवर प्रवाशांसाठी खुशखबर 🎉

संभाव्य एल निनोच्या पार्श्वभूमीवर राज्य सज्ज उपलब्ध पाण्याचे नियोजन व जलसंधारणाची कामे पूर्ण करण्यावर भर द्यावा– मुख्यमंत्री देवेंद्र फडणवीस,· जुन्या जलस्त्रोतांची दुरुस्ती व पुनरुज्जीवनावर भर द्यावा· पाणी बचतीसाठी प्रत्येक जिल्ह्यात स्थानिक स्तरावर टास्क फोर्स स्थापन करावे· वैरण विकास कार्यक्रम प्रभावीपणे राबवा· खत पुरवठा व वितरणावर एआयच्या माध्यमातून लक्ष ठेवा

लोकसहभागातून सावली येथे वनराई बंधाऱ्याचे काम पूर्णत्वास भूजल संवर्धनासाठी शासनासोबत ग्रामस्थांचा पुढाकार

vishwatmaklokswamivarta

महिला स्वयंसहायता गटांमुळे देशात क्रांती – राज्यपाल जिष्णु देव वर्मा १०० सर्वाधिक प्रभावशाली महिलांचा सन्मान; नीता अंबानी, स्मृती इराणी, झिया मोदी, नीरजा बिर्ला यांची उपस्थिती

गोरठा येथे चारा टंचाईच्या वृत्ताची प्रत्यक्ष पाहणीत पडताळणीगोशाळेत पुरेशा प्रमाणात कडबा व सोयाबीन कुटार उपलब्ध  वस्तुस्थितीची पडताळणी करण्याचे आवाहन

vishwatmaklokswamivarta

आ. सुधीर मुनगंटीवार यांनी चंद्रपूर-गडचिरोलीतील आदिवासींच्या हक्कांचा प्रश्न सभागृहात मांडला