vishwatmaklokswamivarta
Breaking News
प्रदेशस्थानिक बातम्या

जिल्हाधिकारी अशिमा मित्तल यांची रेवगाव येथे क्षेत्रभेट; विविध उपक्रमांची पाहणी व ग्रामस्थांशी संवाद

जिल्हाधिकारी अशिमा मित्तल यांची रेवगाव येथे क्षेत्रभेट; विविध उपक्रमांची पाहणी व ग्रामस्थांशी संवाद

जालना, प्रतिनिधी : जालना तालूक्यातील रेवगाव येथे जिल्हाधिकारी अशिमा मित्तल यांनी आज क्षेत्रभेट देऊन गावातील विविध विकासात्मक व सामाजिक उपक्रमांची पाहणी केली. या दौऱ्यादरम्यान त्यांनी प्रारंभिक बालविकास (ECD) उपक्रमांतर्गत सहभागी मातांच्या घरी भेट देऊन त्यांच्याशी संवाद साधला तसेच अंगणवाडी केंद्राला भेट देऊन माता, अंगणवाडी सेविका व क्षेत्रीय कर्मचाऱ्यांकडून उपक्रमाच्या अंमलबजावणीचा आढावा घेतला.

यावेळी मातांचे मानसिक आरोग्य, स्तनपान, बालसंगोपन आणि कुटुंबातील सदस्यांचा सहभाग या विषयांवर चर्चा करण्यात आली. उपक्रमामुळे मातांना मिळणारा भावनिक आधार, गृहभेटींच्या माध्यमातून होणारे मार्गदर्शन आणि कुटुंबपातळीवर होत असलेले सकारात्मक बदल याबाबत माहिती घेण्यात आली.

तसेच जिल्हाधिकाऱ्यांनी स्वामी समर्थ केंद्र, आरोग्य उपकेंद्र आणि प्रगतिशील शेतकरी अनिल पारखे यांच्या शेतीला भेट देऊन तेथील उपक्रमांची पाहणी केली. शेती, पर्यावरण संवर्धन आणि ग्रामविकासाच्या क्षेत्रात स्थानिक पातळीवर राबविण्यात येणाऱ्या विविध प्रयत्नांची त्यांनी माहिती घेतली.

या क्षेत्र भेटीदरम्यान जिल्हाधिकारी मित्तल यांनी ग्रामस्थांशी संवाद साधत त्यांच्या सूचना व अपेक्षा जाणून घेतल्या. विविध शासकीय उपक्रमांची प्रत्यक्ष अंमलबजावणी, नागरिकांचा सहभाग आणि स्थानिक पातळीवरील सकारात्मक बदल यांचा आढावा घेणे हा या भेटीचा मुख्य उद्देश होता.

बालकांचा सर्वांगीण विकास साधण्यासाठी माता, पिता आणि संपूर्ण कुटुंबाला सक्षम करणे, तसेच ग्रामविकासासाठी स्थानिक पातळीवरील चांगल्या उपक्रमांना प्रोत्साहन देणे, या दृष्टीने ही क्षेत्रभेट महत्त्वपूर्ण ठरली

****

संबंधित पोस्ट

मुख्यमंत्री समृद्ध पंचायतराज अभियानात रायगडची राज्यस्तरावर दमदार कामगिरी!खालापूर पंचायत समितीला राज्यस्तरीय द्वितीय पुरस्कार; मुख्यमंत्री देवेंद्र फडणवीस यांच्या हस्ते गौरव

vishwatmaklokswamivarta

टीसीएस’मध्ये दीडशे पदे भरणार; जिल्ह्यातील युवकांना संधी अकोल्यात १५ एप्रिलला पं. दीनदयाळ उपाध्याय रोजगार मेळावा

हिंद-दी-चादर’ निमित्त नवी मुंबईत सखोल स्वच्छता मोहीमा…

vishwatmaklokswamivarta

जिल्ह्याची ७०.६६ टक्के मतदार गणनापत्र डिजिटायझेशन;• खामगाव विधानसभा मतदारसंघ अव्वल• गृहभेटीची मोहीम ८ ऑगस्टपर्यंत मुदतवाढ

बसमध्ये मिळणार विमानातील सुविधा पाच तरूणांनी एकत्रित येत घडविली ट्रॅव्हल्स क्षेत्रात क्रांती

vishwatmaklokswamivarta

कोटगलचा एल्गार: दारूमुक्त गावासाठी महिलांची वज्रमूठ; रेशन बंद करण्यासह ३००० रुपयांचे बक्षीस जाहीर!