लक्ष्मीपूजनाच्या आजच्या दिवशी कामगार मंत्री तथा जिल्ह्याचे पालकमंत्री ॲड. आकाश फुंडकर यांनी तेल्हारा तालुक्यातील गोर्धा या गावी जाऊन तेथील शेतकऱ्यांसमवेत दिवाळी साजरी केली
राज्य प्रतिनिधी
लक्ष्मीपूजनाच्या आजच्या दिवशी कामगार मंत्री तथा जिल्ह्याचे पालकमंत्री ॲड. आकाश फुंडकर यांनी तेल्हारा तालुक्यातील गोर्धा या गावी जाऊन तेथील शेतकऱ्यांसमवेत दिवाळी साजरी केली आणि शेतकऱ्यांच्या अडचणी जाणून घेत त्यांना दिलासा दिला.
राज्यात दुष्काळाचे संकट उद्भवले आहे. मात्र या काळात शेतकरी बांधवांनी डगमगून जाऊ नये. राज्य शासन खंबीरपणे त्यांच्या पाठीशी उभे आहे. पुण्यश्लोक अहिल्यादेवी होळकर कर्जमुक्ती योजनेची प्रभावी अंमलबजावणी होत आहे.
दुष्काळ लक्षात घेऊन राज्य शासनाने केंद्र शासनाच्या मदतीची वाट न पाहता तत्काळ अग्रीम मदत जाहीर केली व वेगाने वाटप होत आहे. यानंतर दुष्काळबाधितांसाठी सर्व ती आवश्यक मदत टप्प्याटप्प्याने देण्यात येईल. राज्य शासन शेतकरी बांधवाला कधीही वाऱ्यावर सोडणार नाही, अशी ग्वाही पालकमंत्र्यांनी यावेळी दिली.
