*धनत्रयोदशीनिमित्त केंद्रीय राज्यमंत्री प्रतापराव जाधव यांचे सपत्नीक भगवान धन्वंतरी पूजन**आरोग्य संवर्धन, निरोगी जीवनशैली आणि भारतीय पारंपरिक वैद्यकीय ज्ञानाचे महत्त्व अधोरेखित*
*बुलढाणा, प्रतिनिधी :* धनत्रयोदशीच्या पावन पर्वानिमित्त केंद्रीय आयुष राज्यमंत्री प्रतापराव जाधव यांनी सपत्नीक भगवान धन्वंतरी यांचे विधिवत पूजन करून आरोग्य आणि निरोगी जीवनासाठी प्रार्थना केली.भारतीय संस्कृतीमध्ये धनत्रयोदशीला विशेष धार्मिक आणि सांस्कृतिक महत्त्व आहे. या दिवशी आरोग्याचे अधिष्ठाता मानले जाणारे भगवान धन्वंतरी यांचे पूजन करण्याची परंपरा आहे. आयुर्वेदाचे जनक आणि आरोग्याचे देवता म्हणून भगवान धन्वंतरी यांना मानले जाते. त्यांच्या पूजनातून निरोगी जीवन, आरोग्य संवर्धन आणि दीर्घायुष्याचा संदेश दिला जातो.
यावेळी केंद्रीय राज्यमंत्री प्रतापराव जाधव यांनी भगवान धन्वंतरी यांचे पूजन करून सर्वांच्या उत्तम आरोग्यासाठी मंगलकामना व्यक्त केल्या. धनत्रयोदशीच्या निमित्ताने भगवान धन्वंतरीचे पूजन ही केवळ धार्मिक परंपरा नसून, आरोग्याविषयी जागरूकता निर्माण करणारी आणि निरोगी जीवनशैलीचा संदेश देणारी संधी आहे. प्रत्येकाने आपल्या दैनंदिन जीवनात आरोग्यदायी सवयींचा अंगीकार करावा, आरोग्याची काळजी घ्यावी आणि भारतीय पारंपरिक वैद्यकीय ज्ञानाचे महत्त्व जाणून घ्यावे, असा संदेश या पूजनाच्या निमित्ताने अधोरेखित झाला.
0000
