रोजगार व उद्योग क्षेत्राचा व्यापक सर्वेक्षण उपक्रमाच्या घडी पुस्तिकेचेजिल्हाधिकारी किशन जावळे यांच्याहस्ते प्रकाशन

               रायगड-अलिबाग प्रतिनिधी:- देशातील रोजगार आणि असंघटित क्षेत्राच्या आर्थिक स्थितीबाबत अद्ययावत व विश्वासार्ह माहिती उपलब्ध करून देण्यासाठी केंद्र शासनाच्या सांख्यिकी व कार्यक्रम अंमलबजावणी मंत्रालयामार्फत (MoSPI) नियतकालिक श्रमशक्ती सर्वेक्षण (Periodic Labour Force Survey-PLFS) 2026 आणि असंघटित क्षेत्रातील उद्योगांचे वार्षिक सर्वेक्षण (Annual Survey of Unincorporated Sector Enterprises-ASUSE) 2026 राबविण्यात येत आहे.

     ही दोन सर्वेक्षणे एप्रिल 2026 ते मार्च 2027 या कालावधीत पहिल्यांदाच राबविले जाणार आहेत. या उपक्रमाच्या घडी पुस्तिकेचे जिल्हाधिकारी यांच्या कक्षात, जिल्हाधिकारी किशन जावळे यांच्याहस्ते प्रकाशन करण्यात आले.

        यावेळी जिल्हा नियोजन अधिकारी श्रीरंग सूर्यवंशी, सांख्यिकी अधिकारी ज्ञानेश्वर नगराळे, सांख्यिकी सहाय्यक दिप्ती पांडे तसेच जिल्हा सांख्यिकी कार्यालय व जिल्हा नियोजन समिती कार्यालयातील सर्व अधिकारी व कर्मचारी उपस्थित होते.

००००