vishwatmaklokswamivarta
Breaking News
ठळक बातम्यास्थानिक बातम्या

इतर मागासवर्गीय, विमुक्त जाती-भटक्या जमाती व विशेष मागास प्रवर्गातील उच्च शिक्षण घेणाऱ्या विद्यार्थ्यांसाठी मुंबईत शासकीय वसतिगृह सुरू

इतर मागासवर्गीय, विमुक्त जाती-भटक्या जमाती व विशेष मागास प्रवर्गातील उच्च शिक्षण घेणाऱ्या विद्यार्थ्यांसाठी मुंबईत शासकीय वसतिगृह सुरू

मुंबई, प्रतिनिधी : इतर मागासवर्ग, विमुक्त जाती, भटक्या जमाती तसेच विशेष मागास प्रवर्गातील विद्यार्थ्यांना उच्च शिक्षणासाठी आवश्यक सुविधा उपलब्ध करून देण्याच्या उद्देशाने इतर मागास बहुजन कल्याण विभागाच्या वतीने मुंबई शहर जिल्ह्यात शासकीय वसतिगृह सुरू करण्यात आले आहे. हे वसतिगृह मुंबईतील वाशी, नवी मुंबई येथील सेक्टर १९ ब, प्लॉट क्र. ९ पहिला मजला येथे सुरू करण्यात आले आहे

२०२६-२७ पासून या वसतिगृहासाठी विहित मुदतीत अर्ज करणाऱ्या व्यावसायिक तसेच बिगर व्यावसायिक अभ्यासक्रमाच्या प्रथम वर्षात प्रवेश घेतलेल्या पात्र विद्यार्थ्यांना प्रवेश देण्यात येणार आहे. तसेच पदविका अभ्यासक्रम उत्तीर्ण विद्यार्थ्यांना पदवी अभ्यासक्रमाच्या द्वितीय वर्षात प्रवेश घेताना त्याच पदवी अभ्यासक्रमाच्या द्वितीय वर्षाकरिता प्रवेश देण्यात येईल. त्यानंतर योजनेंतर्गत जागा रिक्त राहिल्यास पात्र विद्यार्थ्यांना अनुक्रमे तृतीय व चतुर्थ वर्षात प्रवेश देण्यात येणार आहे. तथापि, द्वितीय, तृतीय व चतुर्थ वर्षात प्रवेश देताना विद्यार्थ्यांच्या बारावी परीक्षेतील अंतिम निकालाचे गुण विचारात घेण्यात येतील.

२०२६-२७ साठी वसतिगृहातील प्रवेशामध्ये जात प्रवर्गनिहाय आरक्षण निश्चित करण्यात आले आहे. त्यानुसार इतर मागासवर्गासाठी ५१ टक्के, विमुक्त जाती व भटक्या जमातींसाठी ३३ टक्के, विशेष मागास प्रवर्गासाठी ६ टक्के, दिव्यांग विद्यार्थ्यांसाठी ४ टक्के, अनाथ विद्यार्थ्यांसाठी २ टक्के आणि आर्थिक मागास प्रवर्गासाठी ४ टक्के आरक्षण राहणार आहे. वसतिगृह प्रवेशासंदर्भातील शासन निर्णयातील अटी व शर्ती तसेच वसतिगृहाबाबत अधिक माहितीसाठी सहाय्यक संचालक, इतर मागास बहुजन कल्याण, मुंबई शहर, नवीन प्रशासकीय इमारत, चौथा मजला, आर. सी. चेंबूरकर मार्ग, चेंबूर (पूर्व), मुंबई येथे संपर्क साधावा.

0000

संबंधित पोस्ट

सर्वोच्च न्यायालयानं आज काँग्रेस नेते राहुल गांधी, समाजवादी पक्षाचे अध्यक्ष अखिलेश यादव यांच्यासह इतरांना नोटिसा बजावल्या मतदार याद्यांच्या विशेष सखोल पुनरीक्षण प्रक्रियेतल्या कथित अनियमितते प्रकरणी..

vishwatmaklokswamivarta

नवी मुंबई महानगरपालिका नागरिकांसाठी महत्वाचे आवाहन*

मच्छीमारांनो सावधान..!1 जूनपासून समुद्रात मासेमारीला बंदी; नियमांचे उल्लंघन केल्यास होणार कडक कारवाई

सर्व स्थानिक स्वराज्य संस्थेच्या शाळा व अनुदानित शाळांचे ऑडिट करणार– शालेय शिक्षण मंत्री दादाजी भुसे,अधिक निधीसाठी शासन प्रयत्नशील.

डॉ. बाबासाहेब आंबेडकरांचा मुक्तीभूमीचा विचार प्रेरणादायी सामाजिक न्याय मंत्री संजय शिरसाट मुक्तीभूमीवर नतमस्तक होत केले अभिवादन

vishwatmaklokswamivarta

उद्योजकांच्या पंखाना शासन बळ देणार -पालकमंत्री संजय शिरसाट जिल्हास्तरीय गुंतवणूक परिषदेत १२ हजार कोटींचे सामंजस्य करार, २१ हजार रोजगार निर्मिती