जिल्हा कारागृहात “दिवाळी पहाट” संगीतमय कार्यक्रम उत्साहात संपन्न..
सातारा प्रतिनिधी:- जिल्हा कारागृहात ओम् एज्युकेशन सोसायटीच्या वतीने ‘दिवाळी पहाट’ या संगीतमय कार्यक्रमाचे आयोजन नुकतेच करण्यात आले. त्यामध्ये भावगीत, भक्तिगीत, देशभक्तीपर तसेच मराठी आणि हिंदी गीतांचे सादरीकरण करून उपस्थितांचे मनोरंजन करण्यात आले .
सदर उपक्रम हा मा. डॉ. सुहास वारके अपर पोलिस महासंचालक, महाराष्ट्र राज्य पुणे माननीय श्री योगेश देसाई, कारागृह महानिरीक्षक महाराष्ट्र राज्य पुणे,
श्री सुनील ढमाळ कारागृह उपमहानिरीक्षक पश्चिम विभाग येरवडा पुणे यांच्या मार्गदर्शनाखाली राबविण्यात आला. कार्यक्रमाचे आयोजन कारागृह अधीक्षक मा. श्री. ब्रह्मदेव लटपटे यांनी केले. कारागृह विभाग व ओम एज्युकेशन सोसायटी साताऱ्याच्या श्रीमती स्वरूपा पोरे यांच्या संयुक्त विद्यमाने हा कार्यक्रम पार पडला. सप्तसूर सांगीतिक संस्थेचे श्री सुनील भोजने ,श्री चंद्रशेखर बोकील, सौ रेवती बंड ,सौ श्रुती शहा व त्यांच्या सहकाऱ्यांनी सातारा जिल्हा कारागृहात येवून बंद्यांसाठी मनोरंजनात्मक कार्यक्रम सादर केला. यात काही बंद्यांनी सहभाग घेत गाणी गायली. कारागृहातील इतर अधिकारी व कर्मचाऱ्यांनी देखील कारागृहाच्या सुरक्षिततेची जबाबदारी सांभाळून या कार्यक्रमाचा लाभ घेतला.