vishwatmaklokswamivarta
Breaking News
ठळक बातम्याप्रदेश

एमपीएससी’च्या गट-क सेवा संयुक्त पूर्व परीक्षा २०२६ च्या जाहिरातीत सुधारणा सहायक कृषी अधिकारी पदनामात बदल; आता ‘कृषी सेवक, गट-क’ असे पदनाम

एमपीएससी’च्या गट-क सेवा संयुक्त पूर्व परीक्षा २०२६ च्या जाहिरातीत सुधारणा-सहायक कृषी अधिकारी पदनामात बदल; आता ‘कृषी सेवक, गट-क’ असे पदनाम

मुंबई, प्रतिनिधी : महाराष्ट्र लोकसेवा आयोगामार्फत घेण्यात येणाऱ्या महाराष्ट्र गट-क सेवा संयुक्त पूर्व परीक्षा २०२६ च्या जाहिरातीसंदर्भात आयोगाने शुद्धिपत्रक प्रसिद्ध केले आहे. या शुद्धिपत्रकानुसार कृषी, पशुसंवर्धन, दुग्धव्यवसाय विकास व मत्स्यव्यवसाय विभागाच्या अधिनस्त संवर्गातील सहायक कृषी अधिकारी, गट-क या पदनामात बदल करून त्याऐवजी ‘कृषी सेवक, गट-क’ असे पदनाम करण्यात आले आहे.

आयोगामार्फत महाराष्ट्र गट-क सेवा संयुक्त पूर्व परीक्षा २०२६ मधून विविध संवर्गांतील रिक्त पदे भरण्यासाठी २५ जून २०२६ रोजी जाहिरात क्रमांक ०१७/२०२६ प्रसिद्ध करण्यात आली होती. या जाहिरातीसंदर्भात ६, १३, १७ आणि २० नोव्हेंबर २०२६ रोजी प्रसिद्ध झालेल्या शुद्धीपत्रकांच्या अनुषंगाने सदर सुधारणा करण्यात आली आहे.

तसेच, नागपूर विभागांतर्गत चंद्रपूर जिल्ह्यातील पेसा क्षेत्रात अनुसूचित जमाती प्रवर्गातून भरावयाच्या एकूण पदांचे आरक्षण व त्याचा प्रवर्गनिहाय तपशील शुद्धिपत्रकाद्वारे प्रसिद्ध करण्यात आला आहे. याशिवाय, कृषी पदविका धारण केलेल्या उमेदवारांसाठी शैक्षणिक अर्हतेसंदर्भात महत्वाची स्पष्टता करण्यात आली आहे. यशवंतराव चव्हाण महाराष्ट्र मुक्त विद्यापीठातील कृषी पदविका राज्यातील कृषी विद्यापीठांच्या पदविकेशी समतुल्य असलेल्या पुढील चार अभ्यासक्रमांच्या पदविकांना ग्राह्य समजण्यात येणार आहे.

१. उद्यानविद्या पदविका (फळबागा उत्पादन) २. उद्यानविद्या पदविका (भाजीपाला उत्पादन)३. उद्यानविद्या पदविका (फूल शेती व प्रांगण उद्यान) ४. कृषी व्यवसाय व्यवस्थापन पदविका महाराष्ट्र गट-क सेवा संयुक्त पूर्व परीक्षा २०२६ च्या मूळ जाहिरातीतील तसेच यापूर्वीच्या शुद्धीपत्रकातील इतर अटी व तरतुदींमध्ये कोणताही बदल करण्यात आलेला नाही. या शुद्धीपत्रकाची सविस्तर माहिती आयोगाच्या https://mpsc.gov.in संकेतस्थळावर उपलब्ध आहे.

 

०००००

संबंधित पोस्ट

कांदळवनाचे संरक्षण करणाऱ्यांसाठी बक्षीस योजना राबविणार – वनमंत्री गणेश नाईक

पाणीटंचाई निवारणासाठी सज्ज राहा; अवैध पाणी उपशावर कठोर कारवाई करा – जिल्हाधिकारी डॉ. प्रविणकुमार देवरे यांचे निर्देश● पाणीटंचाई व्यवस्थापनाचा जिल्हाधिकाऱ्यांनी घेतला आढावा● जलसंधारणाची कामे प्रभावीपणे राबविण्याचे निर्देश● पाणीगळती दुरुस्ती, वॉटर हार्वेस्टिंग आणि शेततळ्यांच्या कामांना प्राधान्य

vishwatmaklokswamivarta

जादूटोणा आणि तंत्रमंत्राच्या नावाखाली फसवणूक केल्याच्या आरोपाप्रकरणी भोंदूबाबा अशोक खरात याला नाशिक न्यायालयाने तीन दिवसांची पोलीस कोठडी सुनावली

vishwatmaklokswamivarta

गतिमान भूसंपादन करून औद्योगिक विकासाला चालना द्यावी-मुख्यमंत्री देवेंद्र फडणवीस· मुख्यमंत्र्यांनी घेतला एमआयडीसीअंतर्गत प्रकल्पांच्या भूसंपादनाचा आढावा

कैलासनगर स्मशानभूमीच्या पुनर्विकासाचे भूमिपूजन; वर्षभरात साकार होणार आधुनिक ‘वैकुंठ धाम’

गुढीपाडवा निमित्त आकर्षक वाहन नोंदणी क्रमांकांसाठी लिलाव प्रक्रिया जाहीर