पुणे जिल्ह्यातील दुर्दैवी घटना-ऊसतोड मजुरांना घेऊन जाणाऱ्या पिकअपला कंटेनर ची जोरदार धडक दोन मजुरांचा जागीच मृत्यू झाला, तर 12 जण गंभीर जखमी रुग्णालयात उपचार सुरू
पुणे प्रतिनिधी-पुणे जिल्ह्यातल्या शिरूर तालुक्यात आज सकाळी ऊसतोड मजुरांना घेऊन जाणाऱ्या पिकअपचा अपघात झाल्यानं दोन मजुरांचा जागीच मृत्यू झाला, तर 12 जण गंभीर जखमी झाले आहेत. जखमींवर जवळच्या रुग्णालयात उपचार सुरू असून एका महिलेची प्रकृती गंभीर असल्याची माहिती डॉक्टरांनी दिली आहे.
मिळालेल्या माहितीनुसार, ऊसतोड मजूरांना घेऊन जाणारी पिकअपला मागून भरधाव वेगात आलेल्या कंटेनरनं जोरदार धडक दिली. अपघातानंतर स्थानिक नागरिकांनी तातडीनं मदतकार्य सुरू केलं. जखमींना खासगी वाहनांमधून रुग्णालयात दाखल करण्यात आले. दरम्यान, अपघाताचे नेमके कारण काय, याचा तपास पोलीस करत असून कंटेनर चालकाची चौकशी सुरू आहे.
