निवडणूक निरीक्षक डॉ. माधवी खोडे-चवरे नांदेडमध्ये दाखल
नांदेड प्रतिनिधी :- नांदेड विधान परिषदेच्या स्थानिक प्राधिकारी मतदारसंघाच्या व्दिवार्षीक निवडणूक-2026 साठी भारत निवडणूक आयोगाने नियुक्त केलेल्या निवडणूक निरीक्षक डॉ. माधवी खोडे-चवरे (भाप्रसे) यांचे 1 जून रोजी नांदेड येथे आगमन झाले. यावेळी त्यांनी जिल्हाधिकारी कार्यालयास भेट देऊन निवडणूक विषयक कामकाजाची पाहणी केली.
त्यांनी निवडणुकीच्या अनुषंगाने करण्यात येणाऱ्या कामकाजाबाबत जिल्हाधिकारी राहुल कर्डिले यांच्यासह निवडणूक विभागातील अधिकाऱ्यांशी याप्रसंगी चर्चा केली. तसेच विविध निवडणूक कक्षासह, प्राप्त नामनिर्देशन अर्ज व मतदार यादीबाबत माहिती घेतली.
येथील स्नेहनगर शासकीय विश्रामगृहात निवडणूक काळात त्या थांबणार आहेत. नागरिकांना नांदेड विधान परिषदेच्या निवडणुकी संदर्भात असणाऱ्या समस्यांबाबत 2 ते 4 जून , 12 ते 14 जून आणि 17 ते 22 जून 2026 या कालावधीत त्यांच्याशी संपर्क साधला जाऊ शकतो. त्यांचा ई-मेल आयडी observer.mlc.ned@gmail.com आहे. त्यांचा संपर्क क्र. 9637228955 आहे.
00000
