vishwatmaklokswamivarta
Breaking News
ठळक बातम्याप्रदेश

सशस्त्र दलातील अधिकारी पदासाठी मोफत पूर्वप्रशिक्षण; १२ डिसेंबर रोजी जिल्हा सैनिक कल्याण कार्यालयात मुलाखती

सशस्त्र दलातील अधिकारी पदासाठी मोफत पूर्वप्रशिक्षण; १२ डिसेंबर रोजी जिल्हा सैनिक कल्याण कार्यालयात मुलाखती

 

छत्रपती संभाजीनगर, प्रतिनिधी-भारतीय सैन्यदल, नौदल व वायुदलामध्ये अधिकारी पदावर भरती होऊ इच्छिणाऱ्या महाराष्ट्रातील पात्र युवक-युवतींसाठी महाराष्ट्र शासनाच्या वतीने मोफत सेवा भरती पूर्वप्रशिक्षण आयोजित करण्यात येते. हे प्रशिक्षण छात्रपूर्व प्रशिक्षण केंद्र, नाशिक रोड, नाशिक येथे दि. १४ ते २३ डिसेंबर या कालावधीत होणार आहे. या प्रशिक्षणात सहभागी होण्यासाठी छत्रपती संभाजीनगर जिल्ह्यातील इच्छुक व पात्र उमेदवारांची दि. १२ डिसेंबर रोजी जिल्हा सैनिक कल्याण कार्यालय, छत्रपती संभाजीनगर येथे मुलाखत घेऊन निवड केली जाणार आहे. प्रशिक्षणासाठी निवड झालेल्या उमेदवारांनी दि. १३ डिसेंबर रोजी सकाळी १० वाजता प्रशिक्षण केंद्रात उपस्थित राहणे आवश्यक आहे. प्रशिक्षण कालावधीत प्रशिक्षणार्थींना निःशुल्क प्रशिक्षण, निवास व भोजनाची सुविधा उपलब्ध करून देण्यात येणार आहे.

 मुलाखतीसाठी येताना उमेदवारांनी सैनिक कल्याण विभाग, पुणे यांच्या www.mahanasik.maharashtra.gov.in या संकेतस्थळावरील DSW Portal मधील Resources – PCTC Nashik – SSB 68 या पर्यायातून प्रवेशपत्र व त्यासोबतची परिशिष्टे डाउनलोड करून त्यांची प्रिंट काढावी. सर्व माहिती पूर्ण भरून आवश्यक कागदपत्रांसह ती मुलाखतीच्या वेळी सादर करावी.

प्रशिक्षणासाठी पात्रता :खालीलपैकी कोणतीही एक पात्रता असणे आवश्यक आहे.

१. सीडीएस किंवा एनडीए परीक्षा उत्तीर्ण होऊन सर्व्हिसेस सिलेक्शन बोर्डाच्या मुलाखतीसाठी पात्र असणे.२. एन्सीसी स्पेशल एन्ट्रीसाठी एसएसबी मुलाखतीचे कॉल लेटर असणे.३. टेक्निकल ग्रॅज्युएट कोर्ससाठी एसएसबी मुलाखतीचे कॉल लेटर असणे.४. युनिव्हर्सिटी प्रवेश योजनेसाठी एसएसबी मुलाखतीचे कॉल लेटर असणे किंवा एसएसबीसाठी शिफारस केलेल्या यादीत नाव असणे.वरील पात्रतेसंबंधीचे प्रमाणपत्र प्रशिक्षण वर्गासाठी उपस्थित राहताना सोबत आणणे आवश्यक आहे.अधिक माहितीसाठी प्रभारी अधिकारी, छात्रपूर्व प्रशिक्षण केंद्र, नाशिक रोड, नाशिक यांच्याशी कार्यालयीन वेळेत ०२५३-२४५१०३२ या दूरध्वनी क्रमांकावर किंवा ९१५६०७३३०६ या व्हॉट्सॲप क्रमांकावर संपर्क साधावा. तसेच training.pctcnashik@gmail.com या ई-मेलवर संपर्क साधता येईल.

जिल्ह्यातील पात्र युवक-युवतींनी या प्रशिक्षण संधीचा लाभ घ्यावा, असे आवाहन जिल्हा सैनिक कल्याण अधिकारी, छत्रपती संभाजीनगर यांनी केले आहे.

संबंधित पोस्ट

शिवसेना जालना महिला आघाडीच्या जिल्हा संघटकपदी रुपम घुगे यांची नियुक्ती

सनातन संस्थेचे प्रसिद्धीपत्रक ! सचिन अंदुरे यांना दाभोलकर हत्या प्रकरणात उच्च न्यायालयात जामीन मंजूर !… हा तर सत्याचा विजय – सनातन संस्था

११ ते १८ नोव्हेंबरदरम्यान राज्यभर भगवान बिरसा मुंडा गौरव दिन सप्ताह – मंत्री ॲड. आशिष शेलार

vishwatmaklokswamivarta

लोकायुक्त संस्थेच्या चार सदस्यांचा शपथविधी संपन्न· राज्यपालांकडून न्यायिक व बिगर न्यायिक सदस्यांना शपथ…

महाराष्ट्र विधान परिषद निवडणूक 2026सांगली तथा सातारा स्थानिक प्राधिकारी मतदार संघ,निवडणुकीतून 4 उमेदवारांची माघार, रिंगणात 3 उमेदवार..

सतीश घाटगे यांच्या पाठपुराव्याला यश : चित्रवडगावातील शेतरस्त्याचा प्रश्न अखेर मार्गी