vishwatmaklokswamivarta
Breaking News
ठळक बातम्याप्रदेश

एमपीएससी’च्या गट-क सेवा संयुक्त पूर्व परीक्षा २०२६ च्या जाहिरातीत सुधारणा सहायक कृषी अधिकारी पदनामात बदल; आता ‘कृषी सेवक, गट-क’ असे पदनाम

एमपीएससी’च्या गट-क सेवा संयुक्त पूर्व परीक्षा २०२६ च्या जाहिरातीत सुधारणा-सहायक कृषी अधिकारी पदनामात बदल; आता ‘कृषी सेवक, गट-क’ असे पदनाम

मुंबई, प्रतिनिधी : महाराष्ट्र लोकसेवा आयोगामार्फत घेण्यात येणाऱ्या महाराष्ट्र गट-क सेवा संयुक्त पूर्व परीक्षा २०२६ च्या जाहिरातीसंदर्भात आयोगाने शुद्धिपत्रक प्रसिद्ध केले आहे. या शुद्धिपत्रकानुसार कृषी, पशुसंवर्धन, दुग्धव्यवसाय विकास व मत्स्यव्यवसाय विभागाच्या अधिनस्त संवर्गातील सहायक कृषी अधिकारी, गट-क या पदनामात बदल करून त्याऐवजी ‘कृषी सेवक, गट-क’ असे पदनाम करण्यात आले आहे.

आयोगामार्फत महाराष्ट्र गट-क सेवा संयुक्त पूर्व परीक्षा २०२६ मधून विविध संवर्गांतील रिक्त पदे भरण्यासाठी २५ जून २०२६ रोजी जाहिरात क्रमांक ०१७/२०२६ प्रसिद्ध करण्यात आली होती. या जाहिरातीसंदर्भात ६, १३, १७ आणि २० नोव्हेंबर २०२६ रोजी प्रसिद्ध झालेल्या शुद्धीपत्रकांच्या अनुषंगाने सदर सुधारणा करण्यात आली आहे.

तसेच, नागपूर विभागांतर्गत चंद्रपूर जिल्ह्यातील पेसा क्षेत्रात अनुसूचित जमाती प्रवर्गातून भरावयाच्या एकूण पदांचे आरक्षण व त्याचा प्रवर्गनिहाय तपशील शुद्धिपत्रकाद्वारे प्रसिद्ध करण्यात आला आहे. याशिवाय, कृषी पदविका धारण केलेल्या उमेदवारांसाठी शैक्षणिक अर्हतेसंदर्भात महत्वाची स्पष्टता करण्यात आली आहे. यशवंतराव चव्हाण महाराष्ट्र मुक्त विद्यापीठातील कृषी पदविका राज्यातील कृषी विद्यापीठांच्या पदविकेशी समतुल्य असलेल्या पुढील चार अभ्यासक्रमांच्या पदविकांना ग्राह्य समजण्यात येणार आहे.

१. उद्यानविद्या पदविका (फळबागा उत्पादन) २. उद्यानविद्या पदविका (भाजीपाला उत्पादन)३. उद्यानविद्या पदविका (फूल शेती व प्रांगण उद्यान) ४. कृषी व्यवसाय व्यवस्थापन पदविका महाराष्ट्र गट-क सेवा संयुक्त पूर्व परीक्षा २०२६ च्या मूळ जाहिरातीतील तसेच यापूर्वीच्या शुद्धीपत्रकातील इतर अटी व तरतुदींमध्ये कोणताही बदल करण्यात आलेला नाही. या शुद्धीपत्रकाची सविस्तर माहिती आयोगाच्या https://mpsc.gov.in संकेतस्थळावर उपलब्ध आहे.

 

०००००

संबंधित पोस्ट

प्राणी कल्याणासाठी काम करणाऱ्यांना समितीत संधी,इच्छुकांनी 30 सप्टेंबरपर्यंत प्रस्ताव सादर करावेत- जिल्हाधिकारी डॉ. मैनाक घोष- जिल्हा प्राणीक्लेष प्रतिबंधक समितीच्या बैठकीत आवाहन

vishwatmaklokswamivarta

शासनाच्या भरती प्रक्रियेत सुधारणा;संयुक्त परीक्षा योजनेमध्ये नव्याने १८ सेवांचा, ९३ संवर्गाचा समावेश…

ग्रामीण उत्पादनांना डिजिटल बाजारपेठेची नवी संधी ग्रामीण उत्पादनांना डिजिटल बाजारपेठेची नवी संधी‘गावाकडचं.कॉम’ महिला बचत गट व शेतकर्‍यांसाठी ठरणार हक्काचे व्यासपीठ

vishwatmaklokswamivarta

मच्छिमार कुटुंबांच्या हितासाठी संस्थांचे कामकाज सक्षम करा – मंत्री नितेश राणे नाशिक जिल्हा मच्छिमार व कृषी सहकारी संघाच्या कामकाजाचा आढावा

जिजाऊ च्या समाजाभिमुख उपक्रमांमुळे प्रेरित हजारो विद्यार्थी व नागरिकांकडून मा. श्री. निलेश भगवान सांबरे यांना गुरुपौर्णिमेनिमित्त शुभेच्छा!

अमरावती विभाग शिक्षक मतदारसंघ निवडणूक-मतदारांना ओळख पटविण्यासाठी १० पर्यायी कागदपत्रे पुरावा म्हणून ग्राह्य

vishwatmaklokswamivarta