vishwatmaklokswamivarta
Breaking News
प्रदेशस्थानिक बातम्या

जनगणना 2027 चे वेळापत्रक जाहीर; 10 जानेवारीपासून स्व-गणनेची सुविधा

जनगणना 2027 चे वेळापत्रक जाहीर; 10 जानेवारीपासून स्व-गणनेची सुविधा

 

जालना, प्रतिनिधी आगामी जनगणना 2027 च्या दुसऱ्या टप्प्यातील प्रत्यक्ष कामकाजाचे वेळापत्रक जाहीर करण्यात आले आहे. या जनगणनेसाठी नागरिकांना 10 जानेवारी 2027 पासून 24 जानेवारी 2027 पर्यंत स्वतःची माहिती ऑनलाइन भरून देण्याची अर्थात ‘स्व-गणना’ करण्याची सुविधा उपलब्ध करून देण्यात येणार आहे

केंद्रीय गृह मंत्रालयाच्या अखत्यारीतील भारताचे महारजिस्ट्रार व जनगणना आयुक्त कार्यालयामार्फत जनगणनेचे वेळापत्रक अधिसूचनेद्वारे जाहीर करण्यात आले आहे. त्यानुसार महाराष्ट्रासह देशातील बहुतांश राज्यांमध्ये जानेवारी 2027 पासून जनगणनेच्या कामाला सुरुवात होणार आहे.

जनगणनेच्या निर्धारित वेळापत्रकानुसार, 10 ते 24 जानेवारी 2027 या कालावधीत नागरिकांना स्व-गणनेचा पर्याय उपलब्ध असेल. त्यानंतर 25 जानेवारी ते 28 फेब्रुवारी 2027 या कालावधीत प्रगणकांमार्फत घरोघरी जाऊन प्रत्यक्ष लोकसंख्या गणना करण्यात येणार आहे. मुख्य गणनेनंतर 1 ते 5 मार्च 2027 या कालावधीत फेरतपासणी फेरी राबविण्यात येणार आहे.

या जनगणनेसाठी 1 मार्च 2027 रोजी मध्यरात्री 12 वाजता म्हणजेच वाजताची वेळ संदर्भ दिनांक म्हणून निश्चित करण्यात आली आहे. राष्ट्रीय महत्त्वाच्या या जनगणना मोहिमेत सर्व नागरिकांनी आपल्या घरी येणाऱ्या प्रगणकांना अचूक माहिती देऊन प्रशासनास सहकार्य करावे. तसेच स्व-गणनेच्या सुविधेचा लाभ घ्यावा, असे आवाहन प्रधान जनगणना अधिकारी तथा जिल्हाधिकारी आशिमा मित्तल यांच्या वतीने करण्यात आले आहे.

 

संबंधित पोस्ट

 भगवान बिरसा मुंडा गौरव दिवस सेवा सप्ताहानिमित्त शैक्षणिक, आर्थिक, आरोग्यविषयक उपक्रम पत्रकार परिषद

vishwatmaklokswamivarta

सामाजिक क्षेत्रात कार्य करणाऱ्या सामाजिक संस्था आणि समाजसेवकांचा सन्मान

जगात शांततेसाठीचा मार्ग गुरुंच्या शिकवणीतूनच मिळू शकतो – योगगुरू रामदेव बाबा

महाराष्ट्र विधानपरिषदेवर विधानसभा सदस्यांद्वारे व्दिवार्षिक निवडणुकीत बिनविरोध निवडून आलेले नऊ सदस्य आणि पोटनिवडणुकीत विजयी झालेल्या एक अशा दहा नवनिर्वाचित सदस्यांचा #शपथविधी गुरुवार, १४ मे, २०२६ रोजी सकाळी ११.०० वाजता मध्यवर्ती सभागृह, विधान भवन, मुंबई येथे होणार आहे.

मुख्यमंत्री माझी लाडकी बहीण योजनेंतर्गत ई-केवायसी करण्याची संधी उपलब्ध

vishwatmaklokswamivarta

मुख्यमंत्री देवेंद्र फडणवीस यांच्या हस्ते आणि उपमुख्यमंत्री सुनेत्राताई पवार यांच्या उपस्थितीत टेक-महाइम्पॅक्ट कॉन्क्लेव्ह २०२६ चा उद्घाटन सोहळा संपन्न

vishwatmaklokswamivarta