पुण्यश्लोक अहिल्यादेवी होळकर शेतकरी कर्जमुक्ती योजना; रविवारी (दि.१२) आकाशवाणीवर जिल्हा उपनिबंधक समृत जाधव यांची विशेष मुलाखत

छत्रपती संभाजीनगर, प्रतिनिधी)- पुण्यश्लोक अहिल्यादेवी होळकर शेतकरी कर्जमुक्ती योजना शासनाने जाहीर केली असून शेतकऱ्यांच्या कर्जमुक्तीसाठी प्रशासकीय उपाययोजना सुरु झाल्या आहेत.या योजनेची सविस्तर माहिती देण्यासाठी जिल्हा उपनिबंधक(सहकारी संस्था) समृत जाधव यांची विशेष मुलाखत आकाशवाणीच्या छत्रपती संभाजीनगर केंद्रावरुन रविवार दि.१२ रोजी सकाळी ८ वा. ४० मि. नी प्रसारित होणार आहे. या मुलाखतीत समृत जाधव यांनी या योजनेच्या अंमलबजावणी प्रक्रियेची संपूर्ण माहिती दिली आहे. त्यांच्याशी जिल्हा माहिती अधिकारी डॉ. मिलिंद दुसाने यांनी बातचीत केली आहे.

आकाशवाणी छत्रपती संभाजीनगरचे कार्यक्रम अधिकारी सुजीत बनसोडे हे या कार्यक्रमाचे सादरकर्ते आहेत. ही मुलाखत अत्यंत उद्बोधक व माहितीपुर्ण असून शेतकऱ्यांनी कर्जमुक्ती प्रक्रिया जाणून घेण्यासाठी अवश्य ऐकावी. श्रोत्यांना एफ.एम. 101.7 Mhz या वाहिनीवर ही मुलाखत ऐकता येईल आणि News on AIR ॲप वर ही मुलाखत देशभरात कोठेही ऐकता येणार आहे.

०००००