vishwatmaklokswamivarta
Breaking News
व्यवसाय

रायगड जिल्ह्यात ‘सेवा फर्स्ट इनोव्हेशन चॅलेंज 2026’ अंतर्गत 65 उमेदवारांचे सादरीकरण,विविध क्षेत्रांतील नाविन्यपूर्ण संकल्पनांचे तज्ज्ञ परीक्षक मंडळासमोर सादरीकरण;उत्कृष्ट संकल्पनांचा शासनामार्फत गौरव

रायगड जिल्ह्यात ‘सेवा फर्स्ट इनोव्हेशन चॅलेंज 2026’ अंतर्गत 65 उमेदवारांचे सादरीकरण,विविध क्षेत्रांतील नाविन्यपूर्ण संकल्पनांचे तज्ज्ञ परीक्षक मंडळासमोर सादरीकरण;उत्कृष्ट संकल्पनांचा शासनामार्फत गौरव

रायगड-अलिबाग, प्रतिनिधी: शासकीय सेवांमध्ये नाविन्यता, पारदर्शकता आणि कार्यक्षमता वाढविण्याच्या उद्देशाने राबविण्यात आलेल्या ‘सेवा फर्स्ट इनोव्हेशन चॅलेंज 2026’ अंतर्गत रायगड जिल्ह्यातील एकूण 65 उमेदवारांनी आपल्या नाविन्यपूर्ण संकल्पनांचे सादरीकरण केले. उद्योग, संशोधन, शिक्षण, तंत्रज्ञान, कृषी, आरोग्य, महिला व बालविकास अशा विविध क्षेत्रांतील समस्यांवर उपाय सुचविणाऱ्या या संकल्पनांचे शासनामार्फत नियुक्त तज्ज्ञ परीक्षक मंडळाकडून परीक्षण करण्यात आले. या परीक्षणातून उत्कृष्ट ठरणाऱ्या संकल्पनांची निवड करून संबंधित उमेदवारांचा शासनामार्फत गौरव करण्यात येणार असल्याची माहिती जिल्हा कौशल्य विकास, रोजगार व उद्योजकता मार्गदर्शन केंद्राचे प्रभारी सहायक आयुक्त श्रीकांत कोकाटे यांनी दिली.

रायगड जिल्ह्यात दि.4, 5 आणि 13 नोव्हेंबर 2026 रोजी एनआयसी सभागृह, जिल्हाधिकारी कार्यालय, रायगड-अलिबाग, शासकीय औद्योगिक प्रशिक्षण संस्था, अलिबाग तसेच जिल्हा कौशल्य विकास, रोजगार व उद्योजकता मार्गदर्शन केंद्र, रायगड-अलिबाग येथे दृकश्राव्य माध्यमातून ही सादरीकरणे घेण्यात आली. यामध्ये जिल्ह्यातील एकूण 65 उमेदवारांनी सहभाग नोंदविला. उमेदवारांनी आपल्या संकल्पना आणि समस्यांवरील संभाव्य उपाय तज्ज्ञ परीक्षक मंडळासमोर सादर केले.

या उपक्रमासाठी शासनामार्फत पाच परीक्षक मंडळांची नियुक्ती करण्यात आली होती. या मंडळांमध्ये शासकीय तसेच तांत्रिक क्षेत्रातील तज्ज्ञ सदस्यांचा समावेश होता. विविध क्षेत्रांतील समस्या आणि त्यावरील उपाययोजनांच्या नाविन्यपूर्णतेच्या अनुषंगाने उमेदवारांच्या संकल्पनांचे परीक्षण करण्यात आले. त्यातून निवडण्यात येणाऱ्या उत्कृष्ट संकल्पनांना शासनस्तरावर गौरविण्यात येणार आहे.

नागरिकांच्या प्रशासकीय समस्यांचे जलद गतीने निराकरण करणे आणि शासकीय सेवांमध्ये पारदर्शकता आणणे या उद्देशाने राज्य शासनाने दि.17 सप्टेंबर ते 17 ऑक्टोबर 2026 या कालावधीत राज्यभर ‘सेवा संकल्प अभियान’ राबविले. या अभियानाच्या अनुषंगाने महाराष्ट्र राज्य नाविन्यता सोसायटी (MSInS) यांच्या माध्यमातून ‘राज्यस्तरीय इनोव्हेशन चॅलेंज महाराष्ट्र 2026’ हा उपक्रम राबविण्यास मान्यता देण्यात आली.

सेवा फर्स्ट इनोव्हेशन चॅलेंज’ अंतर्गत विविध क्षेत्रांतील समस्या, त्यांचे स्वरूप आणि त्यावरील उपाययोजनांबाबत उमेदवारांकडून मोठ्या प्रमाणात संकल्पना प्राप्त झाल्या. या संकल्पनांना तज्ज्ञ परीक्षक मंडळासमोर सादरीकरणाची संधी देऊन त्यातील उत्कृष्ट समस्या निराकरण कल्पना निवडण्याची प्रक्रिया राबविण्यात येत आहे. या उपक्रमामुळे नाविन्यपूर्ण विचारांना प्रोत्साहन मिळण्यासह प्रशासकीय आणि सार्वजनिक सेवांमधील समस्यांवर उपयुक्त उपाय शोधण्यास मदत होणार आहे.

नाविन्यपूर्ण कल्पनांना प्रोत्साहन देऊन त्यांचे प्रत्यक्ष उपयुक्त उपाययोजनांमध्ये रूपांतर करण्याच्या दृष्टीने ‘सेवा फर्स्ट इनोव्हेशन चॅलेंज 2026’ हा उपक्रम महत्त्वपूर्ण ठरत आहे.

0000û

०००

संबंधित पोस्ट

चिखलदरा येथे पंडित दीनदयाल उपाध्याय रोजगार मेळाव्यात 142 उमेदवारांची प्राथमिक निवडआदिवासी तरुणांनी जागतिक स्तरावर झेप घेण्याचे आमदार केवल कुमार काळे यांचे आवाहन

शीतगृह कंटेनर विद्युत जोडणी शुल्कात ८० टक्के सवलत- पणन मंत्री जयकुमार रावल यांची माहिती· जेएनपीए बंदरात कंटेनर अडकलेल्या फळे व भाजीपाला निर्यातदारांना मोठा दिलासा साठवण/थांबा कालावधी शुल्क पूर्णपणे माफ – जहाज उपलब्ध होईपर्यंत साठवणूक सुविधा.

सक्रीय बांधकाम कामगारांना वितरीत करण्याच्या-अत्यावश्यक संचाच्या वाटपाबाबत जिल्हाधिकारी आशिष येरेकर यांचे आवाहन

vishwatmaklokswamivarta

हवामान आधारित फळपीक विमा योजनेचा जिल्ह्यातील शेतकऱ्यांनी लाभ घ्यावा

vishwatmaklokswamivarta

अनुसूचित जाती प्रवर्गातील युवक-युवतींसाठी सुवर्णसंधी! 🚀

ड्रोन उडवण्याचे दर्जेदार प्रशिक्षण योजना इच्छुक पात्र उमेदवारांनी संपर्क साधावा किंवा ऑनलाइन अर्ज भरावा 

vishwatmaklokswamivarta