vishwatmaklokswamivarta
Breaking News
स्थानिक बातम्या

संत रोहिदास वाडा ‘कल्याणचा राजा’ सार्वजनिक गणेश मंडळाच्या वतीने भाविकांना गणेशदर्शनाचे आवाहन

संत रोहिदास वाडा ‘कल्याणचा राजा’ सार्वजनिक गणेश मंडळाच्या वतीने भाविकांना गणेशदर्शनाचे आवाहन

 

कल्याण, प्रतिनिधी : बैलबाजार, कल्याण परिसरातील संत रोहिदास वाडा गणेशोत्सव मित्र मंडळाची स्थापना २४ मार्च १९५३ रोजी झाली असून, यंदा मंडळाचा ७४ वा गणेशोत्सव उत्साहात साजरा करण्यात येत आहे. गेल्या अनेक दशकांपासून गणेशोत्सवासोबतच विविध समाजोपयोगी, सांस्कृतिक आणि प्रबोधनात्मक उपक्रम सातत्याने राबविण्याची परंपरा मंडळाने जपली आहे.

यंदाच्या गणेशोत्सवानिमित्त मंडळाच्या वतीने विविध कार्यक्रमांचे आयोजन करण्यात आले आहे. १६ सप्टेंबर रोजी सायंकाळी ७ वाजता ‘अंधश्रद्धा निर्मूलन : चमत्कारामागील विज्ञान आणि प्रबोधन’ या विषयावर प्रबोधनात्मक कार्यक्रम आयोजित करण्यात आला आहे. तसेच १८ सप्टेंबर रोजी सकाळी ११ वाजता सत्यनारायण महापूजेचे आयोजन करण्यात आले आहे. याशिवाय महिला व मुलांसाठी विविध मनोरंजनात्मक आणि सांस्कृतिक कार्यक्रमही आयोजित करण्यात आले आहेत.

मंडळाने यंदाही आपला अभिनव पर्यावरणपूरक उपक्रम कायम ठेवला आहे. गणेशदर्शनासाठी येणाऱ्या सन्माननीय पाहुण्यांचे पारंपरिक पद्धतीने शाल, श्रीफळ व पुष्पगुच्छ देऊन स्वागत न करता त्यांना झाडांचे रोप भेट देऊन स्वागत करण्यात येते. पर्यावरण संवर्धनाचा संदेश समाजापर्यंत पोहोचविण्याच्या उद्देशाने मंडळाने हा उपक्रम सुरू ठेवला आहे.

गणेशोत्सवाच्या निमित्ताने भाविकांनी ‘कल्याणचा राजा’चे दर्शन घेऊन मंडळाच्या विविध सामाजिक, प्रबोधनात्मक व सांस्कृतिक उपक्रमांचा लाभ घ्यावा, असे आवाहन मंडळाचे अध्यक्ष यश वाळंज, उपाध्यक्ष ओमकार वाळंज तसेच सर्व पदाधिकारी व कार्यकर्त्यांनी केले आहे.

 

संबंधित पोस्ट

महाराष्ट्र राज्याचे पोलीस महासंचालक मा. श्री. सदानंद दाते यांचा काल गडचिरोली दौरा पार पडला..

vishwatmaklokswamivarta

बुलढाणा जिल्ह्यात पुढील चार दिवस पावसाचा जोर कायम; मेघगर्जना, विजांचा कडकडाट आणि वादळी वाऱ्याचा इशारा

ठाणे जिल्ह्यात ‘उमेद’ अभियानाचा सक्षमीकरणाचा प्रवास,वज्रेश्वरी महोत्सवात ‘जिल्हास्तरीय व मिनी सरस विक्री प्रदर्शन’ सुरू; नागरिकांनी मोठ्या संख्येने भेट द्यावी – जिल्हा प्रशासनाचे आवाहन

पंढरपूर कॉरिडॉरचे काम कोणावरही अन्याय न करता योग्य पुनर्वसन करून पूर्ण करणार – मुख्यमंत्री देवेंद्र फडणवीस आषाढी एकादशीनिमित्त मुख्यमंत्र्यांच्या हस्ते श्री विठ्ठल-रुक्मिणीची शासकीय महापूजा

बीजोत्पादनातून महिला सक्षमीकरणाचा ‘जालना पॅटर्न’

कृत्रिम बुद्धिमत्ते’च्या माध्यमातून दिव्यांगांना सेवा देऊन आत्मनिर्भर करणार – मुख्य सचिव राजेश अग्रवाल ‘दिव्यांग व्यक्तींच्या समावेशन व सक्षमीकरणासाठी कृत्रिम बुद्धिमत्तेची (एआय) क्षमता उलगडणे’ या विषयावर प्री-समिट राऊंडटेबलचे आयोजन

vishwatmaklokswamivarta