श्रीवर्धन तालुक्यात सप्टेंबर महिन्यासाठी धान्याचे नियतन मंजूर अंत्योदय व प्राधान्य कुटुंब लाभार्थी योजनेतील पात्र लाभार्थ्यांना गहू आणि तांदळाचे वितरण

रायगड-अलिबाग, द प्रतिनिधी :- सार्वजनिक वितरण व्यवस्थेंतर्गत श्रीवर्धन तालुक्यासाठी सप्टेंबर २०२६ महिन्याचे धान्य नियतन मंजूर करण्यात आले आहे. अंत्योदय अन्न योजना आणि प्राधान्य कुटुंब लाभार्थी योजनेअंतर्गत एकूण ३,७४९.८० क्विंटल गहू व तांदळाचे नियतन मंजूर करण्यात आले असल्याची माहिती सहायक जिल्हा पुरवठा अधिकारी स्वप्नील पडोळे यांनी दिली आहे.अंत्योदय अन्न योजनेअंतर्गत २ हजार २४० शिधापत्रिकांसाठी ३३६ क्विंटल गहू आणि ४४८ क्विंटल तांदूळ, असे एकूण ७८४ क्विंटल धान्य मंजूर करण्यात आले आहे

तसेच प्राधान्य कुटुंब लाभार्थी योजनेअंतर्गत ५९ हजार ३१६ लाभार्थ्यांसाठी १ हजार १८६.३२ क्विंटल गहू आणि १ हजार ७७९.४८ क्विंटल तांदूळ असे एकूण २ हजार ९६५.८० क्विंटल धान्य मंजूर करण्यात आले आहे

अंत्योदय अन्न योजनेतील प्रत्येक शिधापत्रिकाधारकाला १५ किलो गहू व २० किलो तांदूळ, तर प्राधान्य कुटुंब लाभार्थी योजनेतील प्रत्येक लाभार्थ्याला २ किलो गहू व ३ किलो तांदूळ वितरित करण्याचे नियोजन आहे. पात्र लाभार्थ्यांनी संबंधित रास्तभाव धान्य दुकानातून निर्धारित प्रमाणात धान्याचा लाभ घ्यावा, असे आवाहनही श्री. पडोळे यांनी केले आहे.

000