कोणत्याही दबावाला बळी न पडता निर्भिड व नि:पक्ष पत्रकारिता करावी- पत्रकार अब्दुल कय्यूम,दर्पण दिनानिमित्त व्हॉईस ऑफ मीडिया साप्ताहिक विंगच्या वतीने पत्रकार व त्यांच्या परिवारासाठी आयोजित आरोग्य शिबिर संपन्न…
औरंगाबाद (प्रतिनिधी):- माध्यम हे समाजाचा आरसा आहे. माध्यमावर चांगला समाज घडवण्याची जवाबदारी आहे. बातमीचे खरे लिखान करणारे, खरी गोष्ट समाजासमोर आणण्यासाठी पत्रकारांसमोर सध्या मोठे आव्हान उभे झालेले आहे. खरी बातमी लिहणारे, दाखवणारे निर्भीड पत्रकारिता करणा-यांना नोक-या वाचवणे कठीण बणले आहे. तरी समाजाला चांगली दिशा देण्यासाठी पत्रकाराने कोणत्याही दबावाला बळी न पडता लिखान केले पाहिजे. अलीकडच्या काळात माध्यमाकडे बघण्याचा दृष्टिकोन बदलत चालला आहे. विश्वासार्हता टीकवून ठेवण्यासाठी प्रयत्न करणे गरजेचे आहे. पत्रकारिता करून सरकारने व प्रशासनाने काही चूकीचे निर्णय घेतले तर ते समाजासमोर आले पाहिजे. चांगले निर्णय घेतल्यास ती माहीती समाजापर्यंत गेली पाहिजे. असे प्रतिपादन दर्पणदिनाचा आयोजित कार्यक्रमात व्हॉइस ऑफ मीडिया साप्ताहिक विंगचे प्रदेश कार्याध्यक्ष अब्दुल कय्यूम बोलत होते. दर्पण दिनानिमित्त माजी महापौर नंदकुमार घोडेले, ज्येष्ठ पत्रकार रियाजोद्दीन देशमुख, शेख मजहर यांनी आपले मत मांडले.
दर्पण दिनानिमित्त व्हॉइस ऑफ मीडिया साप्ताहिक विंग तर्पेâ आयोजित नूर हॉस्पिटल बायजीपुरा औरंगाबाद येथे पत्रकार व त्यांच्या परिवारासाठी आरोग्य शिबिरास चांगला प्रतिसाद मिळाला असून जवळपास ५५ पत्रकार व त्यांच्या परिवारांचे आरोग्य तपासणी करण्यात आली असून यावेळी औरंगाबाद शहराचे माजी महापौर नंदकुमार घोडेले, समाजसेवक साजिद मौलाना, ज्येष्ठ पत्रकार आर जी देशमुख, दैनिक सकाळचे अनिल कुमार जमदाडे, व्हॉईस ऑफ मीडियाचे राष्ट्रीय संघटक दैनिक पुण्यनगरीचे परवेज खान,शेख लाल शेख, सुरेश शिरसागर, ज्येष्ठ पत्रकार शेख मजहर, एम ए शकील,शेख शफीक, तोफिक शहेबाज,सुजित ताजने, संजय हिंगोलीकर, बाजीराव सोनवणे, के एम आय सय्यद, मिर्झा शफी बेग, पत्रकार तथा एडवोकेट सय्यद मोईन, सय्यद नदीम सौदागर, दिशा सुरवसे पाटील, सय्यद करीम, साजिद पटेल आयोजक व्हॉईस ऑफ मीडिया साप्ताहिक विंग चे प्रदेश कार्याध्यक्ष अब्दुल कय्यूम व जिल्हाध्यक्ष साप्ताहिक विंग डॉ शकील शेख हे होते. डॉ. शकील शेख व महानगरपालिका आरोग्य विभागातर्फे या आरोग्य शिबिरात मदत मिळाली.
