मुंबई हादरली, 19 वर्षीय तरुणीवर चौघांचा सामूहिक बलात्कार, – शिवाजी नगर सामूहिक बलात्कार प्रकरणी चारही आरोपींना अटक…
:शिवाजी नगर परिसरात झालेल्या सामूहिक बलात्कार प्रकरणातील चारही आरोपींना अटक करण्यात आली आहे. यातील दोघेजण अल्पवयीन असल्याची माहिती शिवाजी नगर पोलि स ठाण्याचे वरिष्ठ पोलिस निरिक्षक अर्जुन राजाणे यांनी सांगितले. पीडित मुलीच्या जबाबाच्या आधारे पोलिसांनी ४ जणांविरुद्ध कलम ३७६,३७६ (डी) नुसार गुन्हा दाखल केला आहे.
पोलिसांकडून मिळालेल्या माहितीनुसार, पीडित तरुणी आणि आरोपी एकमेकांना ओळखतात. पीडित मुलगी पहाटे साडेचारच्या सुमारास केटरिंगचे काम करून घरी परत येत होती. त्यावेळी शिवाजी नगर जुन्या बस डेपोजवळ हे चार आरोपी थांबले होते. निर्जनस्थळ असल्याने यातील एका आरोपीने मुलीची वाट अडवून “तू आता कुठून येत आहेस?” अशी विचारणा केली.
मुलीन कॅटरिंगचे काम करून परतत असल्याचे सांगितलं. तेव्हा एक आरोपी बोलायचे आहे असे सांगून आडोशाला असलेल्या झोपडीत घेऊन गेला. त्याच्या पाठोपाठ इतरही आरोपी आले आणि तिच्यावर सामूहिक अत्याचार केले. मुलीने आरडा ओरडा करण्याचा प्रयत्न केला असता. एका आरोपीने तिचे तोंड दाबून धरले होते. पीडित मुलीने मुंबई पोलिस नियंत्रण कक्षाला फोन करून याबाबत मदत मागितली. पोलिसांनी या प्रकरणी गुन्हा नोंदवून तपासाला सुरवात केल्यानंतर या प्रकरणातील दोन आरोपी उत्तरप्रदेशला जाण्याच्या प्रयत्नात असताना दोघांना सापळा रचून डोंगरी परिसरातून ताब्यात घेतले. त्यानंतर सकाळी उर्वरित दोघांना अटक करण्यात आल्याचं पोलिसांनी सांगितलं.
