फॅन्टसी किड्स झोन प्री-प्रायमरी स्कुलमध्ये विठू नामाची शाळा भरली :बालचिमुकल्यांच्या विठू-रुखमाईचे देखाव्याने लक्ष वेधले
जालना प्रतिनिधी:
जुना जालना भागातील मुक्तेश्वरव्दारजवळील फॅन्टसी किड्स झोन प्री-प्रायमरी स्कुलच्या वतीने आषाढी एकादशीचे औचित्य साधून आज बालचिमुकल्या विद्यार्थ्यांची दिंडी शाळा परिसरातून विविध प्रकारे विठू-रुखमाईचे देखावे करुन काढली होती.विठ्ठल विठ्ठल जय हरी विठ्ठल…. केशवा माधवाच्या गजरात बाल चिमुकल्या विद्यार्थ्यांनी जयघोष करीत पालकांसह नागरिकांचे लक्ष वेधले होते. आषाढी उत्सवाचा कार्यक्रम यशस्वी करण्यासाठी शाळेच्या संचालिका छाया बलवंत
नाईक, योगिता शिराळकर, प्रियांका बिडवे, अल्पना पुरी, ज्योती
अग्निहोत्री, रेखा राऊत आदी शिक्षकांनी परिश्रम घेतले.
