vishwatmaklokswamivarta
Breaking News
प्रदेशस्थानिक बातम्या

क्रांतीसूर्य भगवान बिरसा मुंडा जयंतीनिमित्त जत येथे पारधी समाजाचा मेळावा– विविध शासकीय दाखले व योजनांच्या लाभांचे नागरिकांना वितरण

क्रांतीसूर्य भगवान बिरसा मुंडा जयंतीनिमित्त जत येथे पारधी समाजाचा मेळावा– विविध शासकीय दाखले व योजनांच्या लाभांचे नागरिकांना वितरण

        सांगली, प्रतिनिधी: क्रांतीसूर्य भगवान बिरसा मुंडा यांच्या १५१ व्या जयंतीनिमित्त जत येथे पारधी समाजातील नागरिकांसाठी विशेष मेळाव्याचे आयोजन करण्यात आले. या मेळाव्याच्या माध्यमातून समाजातील नागरिकांना विविध शासकीय योजनांचा लाभ मिळवून देण्याबरोबरच त्यांना आवश्यक असलेले जातीचे दाखले, रेशनकार्ड, आधारकार्ड, उत्पन्नाचे दाखले तसेच आयुष्मान भारत कार्डचे वितरण मान्यवरांच्या हस्ते करण्यात आले. शासनाच्या विविध योजनांचा लाभ समाजातील शेवटच्या घटकापर्यंत पोहोचविण्याच्या दृष्टीने हा उपक्रम महत्त्वपूर्ण ठरला.

       जत येथील नदाप हॉलमध्ये महाराष्ट्र शासनाच्या आदिवासी विकास विभाग आणि जत तहसील कार्यालय यांच्या संयुक्त विद्यमाने या कार्यक्रमाचे आयोजन करण्यात आले होते. कार्यक्रमास जत पंचायत समितीच्या सभापती अर्चना पाटील, जत नगरपरिषदेचे नगराध्यक्ष डॉ. रविंद्र आरळी, एकात्मिक आदिवासी विकास प्रकल्प, घोडेगावचे प्रकल्प अधिकारी गणेश इवनाते, गटविकास अधिकारी अविनाश पाटील, नायब तहसीलदार श्री. माने, देवराज चव्हाण, बसवराज चव्हाण आदी मान्यवर उपस्थित होते.

    यावेळी प्रकल्प अधिकारी गणेश इवनाते यांनी आदिवासी समाजाच्या सर्वांगीण विकासासाठी शासनामार्फत राबविण्यात येणाऱ्या विविध कल्याणकारी योजनांची सविस्तर माहिती दिली. शिक्षण, आरोग्य, सामाजिक सुरक्षा आणि आर्थिक विकास यांसह विविध क्षेत्रांतील योजनांचा लाभ पात्र नागरिकांनी घ्यावा, असे आवाहन त्यांनी केले     या मेळाव्यामुळे पारधी समाजातील नागरिकांना विविध शासकीय दाखले व महत्त्वाची कागदपत्रे एकाच ठिकाणी उपलब्ध झाली. या उपक्रमास पारधी जमातीतील सुमारे ३०० ते ३५० नागरिकांनी उत्स्फूर्त प्रतिसाद दिला.

00000

 

संबंधित पोस्ट

जिल्ह्यात ८ ते २५ एप्रिलदरम्यान ‘अमृत परिवार सर्वेक्षण अभियान’ 

राष्ट्रीय पल्स पोलिओ लसीकरण’ मोहिमेत सर्व पालकांनी सहभागी व्हावे रविवार २८ जून रोजी ० ते ५ वयोगटातील बालकांना पोलिओचे दोन थेंब पाजा; आरोग्य मंत्री प्रकाश आबिटकर यांचे आवाहन

प्रत्येक रुग्ण, वैद्यकीय विद्यार्थ्यांना आवश्यक आरोग्यसुविधा आता जिल्ह्यातच मिळणार – मंत्री हसन मुश्रीफ २५० कोटी रुपयांच्या अत्याधुनिक सुविधांचे लोकार्पण; कोल्हापूरमधील रुग्णसेवेला नवे बळ

मागेल त्या शेतकऱ्याला कर्ज मिळाले तरच सहकार चळवळ पुढे जाईल – मंत्री बाबासाहेब पाटील भोकरमध्ये जिल्हा मध्यवर्ती सहकारी बँकेच्या नवीन वास्तूचे लोकार्पण

वाशिम, अमरावती आणि धाराशिव शासकीय वैद्यकीय महाविद्यालयांच्या बांधकामांचा वैद्यकीय शिक्षण मंत्री हसन मुश्रीफ यांनी घेतला आढावा

ठाणे शहरातून पर्यावरण संवर्धनासाठी ठाण्याच्या महाराजाचा आशीर्वाद घेऊन मुंबई महानगरपालिकेच्या हद्दीत संगम प्रतिष्ठान चा पर्यावरण पुरक जनजागृती सुरू 

vishwatmaklokswamivarta