vishwatmaklokswamivarta
Breaking News
ठळक बातम्याप्रदेश

छत्रपती शिवाजी महाराजांच्या विचारांचा जागर“अमृत दुर्गोत्सव 2026” मध्ये सहभागी होण्याचे रायगडकरांना आवाहन

छत्रपती शिवाजी महाराजांच्या विचारांचा जागर“अमृत दुर्गोत्सव 2026” मध्ये सहभागी होण्याचे रायगडकरांना आवाहन

रायगड- प्रतिनिधी: संकट रयतेवर होतं… चिंता राजाला होती. दुष्काळाच्या कठीण काळात रयतेला सावरण्यापासून ते स्वराज्याला सक्षम करण्यापर्यंत, छत्रपती शिवाजी महाराजांच्या प्रत्येक कार्याच्या केंद्रस्थानी होती रयत आणि तिचं हित.त्या रयतेच्या राजाची दूरदृष्टी, स्वराज्य उभारण्याची जिद्द आणि लोककल्याणाचा विचार आजही आपल्याला प्रेरणा देतो.यंदा दुर्ग घडवताना केवळ इतिहासाची प्रतिकृती नको, तर त्या विचारांप्रती आपली कृतज्ञता घडवू या. मातीच्या प्रत्येक कणातून शिवरायांचे स्मरण करूया…प्रत्येक दुर्गातून त्यांच्या कार्याला मानवंदना देऊया…कारण हा केवळ दुर्ग नाही, ही रयतेच्या राजाला दिलेली आपली मानवंदना आहे. चला, कृतज्ञतेचा दुर्ग घडवू या! चला साकारूया गड-दुर्गांची प्रतिकृती अमृत दुर्गोत्सव 2026 मध्ये सहभागी होण्याचे अमृत संस्थेचे आवाहन

दिवाळीच्या सुट्टीत आपल्या अंगणात, गच्चीवर किंवा सोसायटीच्या आवारात गड-दुर्गांची प्रतिकृती साकारण्याची अनेक वर्षांची परंपरा आहे. ती जपत, छत्रपती शिवाजी महाराजांचा गौरवशाली इतिहास नव्या पिढीपर्यंत पोहोचविण्याच्या उद्देशाने महाराष्ट्र शासनाची महाराष्ट्र संशोधन, उन्नती व प्रशिक्षण प्रबोधिनी (अमृत) च्या वतीने ‘अमृत दुर्गोत्सव 2026’ हा विशेष उपक्रम राबविण्यात येत आहे. या उपक्रमात सहभागी होण्यासाठी नागरिकांनी आपल्या हाताने साकारलेल्या दुर्गाच्या प्रतिकृतीचे छायाचित्र किंवा सेल्फी काढून www.amrutdurgotsav.com या अधिकृत संकेतस्थळावर अपलोड करावे. नोंदणीची अंतिम मुदत 30 नोव्हेंबर 2026 आहे. सहभागी होणाऱ्या प्रत्येकाला महाराष्ट्राचे मा. मुख्यमंत्री देवेंद्रजी फडणवीस यांच्या स्वाक्षरीचे डिजिटल अभिनंदनपत्र देण्यात येणार आहे.

या उपक्रमाच्या माध्यमातून शाळा-महाविद्यालयीन विद्यार्थ्यांसह तरुण, पालक, शिक्षक आणि सर्व नागरिकांना सहभागी होण्याचे आवाहन करण्यात आले आहे. तसेच सहभागींच्या छायाचित्रांची ‘गिनीज बुक ऑफ वर्ल्ड रेकॉर्ड्स’मध्ये नोंद करण्यासाठीही प्रयत्न करण्यात येणार आहेत. शिवरायांच्या राष्ट्रभक्तीच्या या तेजाला आपण आपल्या कृतीची जोड देऊ या चला तर मग, आपल्या कल्पकतेतून स्वराज्याचा इतिहास साकारूया! गड-दुर्गांच्या संवर्धनाचा आणि शिवशौर्याच्या गौरवशाली परंपरेचा वारसा पुढील पिढीपर्यंत पोहोचविणाऱ्या ‘अमृत दुर्गोत्सव 2026’ मध्ये उत्स्फूर्तपणे सहभागी होऊया!

      आधिक माहिती साठी संपर्क :- www,mahaamrut,org,in, रायगड जिल्हा व्यवस्थापक- ९११२२२८७५९, श्री शैलेश मराठे ९४२३८९२१८२ कु मंगेश ढेबे ८१४९५५२१४३.

००००००

संबंधित पोस्ट

बुधवारी हदगाव येथे पंडीत दिनदयाळ उपाध्याय रोजगार मेळाव्याचे आयोजन

मुख्यमंत्री देवेंद्र फडणवीस यांनी घेतले श्री महालक्ष्मी जगदंबेचे दर्शन

vishwatmaklokswamivarta

महाज्योती’च्या गुणवंतांचे यूपीएससी निकालात ‘शतक’ भारतीय वन सेवा परीक्षेत ८ विद्यार्थ्यांची बाजी* ग्रामीण भागातील गुणवंत आता होणार ‘आयएफएस’ अधिकारी* ‘महाज्योती’च्या प्रशिक्षणातून १०० अधिकारी घडण्याचा नवा विक्रम..

आषाढी वारीत भाविकांची कोणतीही गैरसोय होणार नाही -मुख्यमंत्री देवेंद्र फडणवीस•वारकऱ्यांच्या सेवेसाठी शासन सज्ज•आषाढी वारीसाठी सर्व विभागांकडून सुविधांची व्यापक तयारी•डिस्कव्हरी व जिओग्राफी दूरचित्रवाहनीद्वारे वारी सोहळा पोहचणार जगभर

मिशन लक्ष्यवेध अंतर्गत अथलेटिक्स निवडचाचणी १४ मे रोजी

जिल्हा परिषद, पंचायत समिती निवडणुकीसाठी प्रशासन सज्ज-जिल्हाधिकारी दिलीप स्वामी

vishwatmaklokswamivarta