vishwatmaklokswamivarta
Breaking News
खेळ प्रतिनिधी

नवी मुंबई महानगरपालिका शाळांमधील विद्यार्थ्यांना जलतरण क्रीडा प्रकारात प्रगत प्रशिक्षण

नवी मुंबई महानगरपालिका शाळांमधील विद्यार्थ्यांना जलतरण क्रीडा प्रकारात प्रगत प्रशिक्षण

 

 नवी मुंबई प्रतिनिधी      नवी मुंबई महानगरपालिकेच्या शाळांमधील विद्यार्थ्यांना ऑलिम्पिक स्तरावर खेळल्या जाणा-या ‘जलतरण’ या क्रीडा प्रकारात आपले कौशल्य सिद्ध करुन प्राविण्य मिळविण्यासाठी तंत्रशुद्ध प्रशिक्षण देण्याचे काम महापालिकेच्या क्रीडा व सांस्कृतिक विभागाकडून करण्यात येत आहे.

  याकरिता घणसोली सेंट्रल पार्क येथील जलतरण तलावावर नमुंमपा शाळा क्रमांक ४२, घणसोली येथील मुलामुलींची प्राथमिक स्तरावर दि. १० व ११ एप्रिल, २०२६ रोजी निवड चाचणी घेण्यात आली. यामध्ये ११० मुले व ६२ मुलींनी सहभाग घेतला. याकरिता क्रीडा अधिकारी रेवप्पा गुरव यांनी पुढाकार घेऊन शाळेच्या मुख्याध्यापिका श्रीम. अर्चना म्हात्रे यांचेशी समन्वय साधला व प्रशिक्षणाबाबत चर्चा केली. या उपक्रमात सहभागी होण्यासाठी सहशिक्षक श्री.संतोष मुंढे, श्री. राजेश पाडळे, श्रीम.स्मिता पुकळे व श्रीम. अदिती काळे यांनी साधारणपणे पोहता येते अशा इच्छुक मुलामुलींना मनापासून प्रोत्साहित करीत क्रीडा विभागाशी समन्वय साधून निवड चाचणी घेण्यासाठी उत्तम सहकार्य केले.

    या प्राथमिक निवड चाचणी मधून २१ मुले व ६ मुलींची अंतिम निवड करण्यात आली असून आता पुढील टप्प्यात प्रगत प्रशिक्षण देण्याची कार्यवाही करण्यात येणार आहे. यामधून आगामी काळात सन २०२६-२७ या शैक्षणिक वर्षापासून जिल्हास्तरीय शालेय क्रीडा स्पर्धेत इतर खाजगी शाळांमधील जलतरणपटूंसोबत नवी मुंबई महानगरपालिका शाळांतील विद्यार्थी जलतरणपटू स्पर्धांमध्ये सहभागी होऊन नवी मुंबई महानगरपालिकेचा नावलौकिक उंचावतील असा विश्वास व्यक्त करण्यात येत आहे.

    या विद्यार्थ्यांना पुढील यशस्वी वाटचालीसाठी महापौर श्रीम.सुजाता पाटील, उपमहापौर श्री. दशरथ भगत, आयुक्त डॉ.कैलास शिंदे, स्थायी समितीचे सभापती श्री.अशोक पाटील, सभागृह नेते श्री.सागर नाईक, विरोधी पक्ष नेते श्री.विजय चौगुले, क्रीडा व सांस्कृतिक कार्य समिती सभापती श्री. गिरीश म्हात्रे, अतिरिक्त आयुक्त डॉ.राहुल गेठे, क्रीडा विभागाच्या उपआयुक्त श्रीम.अभिलाषा म्हात्रे यांनी शुभेच्छा दिल्या आहेत

00000

संबंधित पोस्ट

जालना जिल्हा शाईन कराटे-डुच्या विद्यार्थ्यांनी गाठली यशाची नवी पायरी,कराटे बेल्ट व प्रमाणपत्र वितरण सोहळा उत्साहात; विविध गटांतील यशस्वी विद्यार्थ्यांचा मान्यवरांच्या हस्ते गौरव

मिशन लक्ष्यवेध योजनेंतर्गत खेळाडूंनी निवड चाचणीसाठी 9 एप्रिलपर्यंत अर्ज करावेत- जिल्हा क्रीडा अधिकारी किरण बोरवडेकर- रोइंग, लॉन टेनिस, मैदानी, बॅडमिंटन, वेटलिफ्टिंग क्रीडा प्रकारातील प्रत्येकी 20 खेळाडूंची निवड होणार

vishwatmaklokswamivarta

ॲथलेटिक्स आणि कुस्तीचे निपुणता केंद्र सज्ज; प्रतिभावान खेळाडूंनी 20 मार्चपर्यंत अर्ज करावेत

नांदेड जिल्ह्याने कायम राखली सर्वसाधारण विजेतेपदाची परंपरा-विभागीय महसूल क्रीडा स्पर्धेत नांदेड जिल्हा अव्वल

शिवछत्रपती क्रीडापीठाच्या क्रीडा प्रबोधिनींसाठी प्रवेश सुरू; 23 एप्रिलपर्यंत नोंदणी करण्याचे आवाहन

“मिशन लक्ष्यवेध” जिल्हास्तरावर क्रीडा प्रतिभा विकास केंद्र अंतर्गत खेळाडू निवड चाचणी आयोजित