vishwatmaklokswamivarta
Breaking News
खेळ प्रतिनिधी

राज्यस्तरीय शालेय कबड्डी क्रीडा स्पर्धा २०२६-२७ – ठाणे”

राज्यस्तरीय शालेय कबड्डी क्रीडा स्पर्धा २०२६-२७ – ठाणे”

                ठाणे, प्रतिनिधी :- महाराष्ट्र शासनाच्या क्रीडा व युवक सेवा संचालनालय, महाराष्ट्र राज्य, पुणे; जिल्हा क्रीडा परिषद, ठाणे व जिल्हा क्रीडा अधिकारी कार्यालय, ठाणे यांच्या संयुक्त विदयमाने प्रतीवर्षी तालुकास्तर / जिल्हास्तर / विभागस्तर / राज्यस्तर आणि राष्ट्रीयस्तर अशा विविध स्तरांवरील स्पर्धांचे आयोजन खेळ निहाय आणि वयोगटनिहाय करण्यात येत असते.

     त्यानुसार जिल्हा क्रीडा अधिकारी कार्यालय, ठाणे यांच्याकडे सन 2026-27 या वर्षामधील राज्यस्तरीय शालेय कबड्डी क्रीडा स्पर्धेच्या आयोजनाची जबाबदारी सोपविण्यात आलेली आहे. सदरहु स्पर्धेच्या यशस्वी आयोजनासाठी जिल्हाधिकारी, ठाणे तथा अध्यक्ष, राज्यस्तरीय शालेय कबड्डी क्रीडा स्पर्धा आयोजन समिती यांच्या अध्यक्षतेखाली नुकतीस बैठक संपन्न झाली आहे. या बैठकीमध्ये स्पर्धा आयोजनाच्या दृष्टीने विविध विषयांचा आढावा घेऊन स्पर्धेचे यशस्वी आयोजन करण्याचे निर्देश दिलेले आहेत.

 या राज्यस्तरीय शालेय कबड्डी स्पर्धेमध्ये संपूर्ण महाराष्ट्रामधील आठ विभागामधून 96 खेळाडु आणि त्यांचे 16 संघ व्यवस्थापक व प्रशिक्षक येणार आहेत. सदर राज्यस्तरीय शालेय कबड्डी स्पर्धा ही दिनांक 25 ते 27 नोव्हेंबर 2026 ह्या कालावधीमध्ये संपन्न होणार आहे. ही स्पर्धा तालुका क्रीडा संकुल, कोपरी -ठाणे बारा बंगला परिसर, ठाणे (पुर्व) या ठिकाणी संपन्न होणार आहे.

    जिल्हा क्रीडा अधिकारी, ठाणे कार्यालयामार्फत या अगोदरही विविध खेळांच्या राज्यस्तरीय स्पर्धांचे यशस्वी आयोजन करण्यात आलेले आहे. या स्पर्धेमध्ये महाराष्ट्रातील आठ विभागामधुन प्राविण्यप्राप्त खेळाडु सहभागी होऊन त्यांच्या क्रीडा कौशल्याचे प्रदर्शन या स्पर्धेच्या निमित्ताने करणार आहेत. तसेच या राज्यस्तरीय शालेय कबड्डी स्पर्धेमधील प्राविण्यप्राप्त खेळाडु हे भारतीय शालेय खेळ महासंघ (SGFI) मार्फत आयोजित करण्यात येणाऱ्या 70 व्या राष्ट्रीय शालेय क्रीडा स्पर्धेत महाराष्ट्राचे प्रतिनिधीत्व करणार आहेत.

      त्याअनुषंगाने महाराष्ट्रामधील विविध भागामधील उत्कृष्ठ खेळाडूंचे क्रीडा कौशल्य पाहण्याची अपुर्व संधी ठाणे जिल्ह्यातील खेळाडु, पालक व क्रीडा प्रेमींना मिळणार आहे, यास्तव या राज्यस्तरीय शालेय कबड्डी स्पर्धेला खेळाडु, पालक आणि क्रीडा प्रेमींनी आवर्जुन भेट दयावी, असे आवाहन डॉ. श्रीकृष्ण पांचाळ (भा.प्रसे.) जिल्हाधिकारी, ठाणे आणि सुवर्णा बारटक्के, जिल्हा क्रीडा अधिकारी, ठाणे यांनी केले आहे.

 

000000000

संबंधित पोस्ट

नोएडातील राष्ट्रीय कराटे स्पर्धेत जालना जिल्ह्याची सुवर्ण झेप,जालन्यात विजेत्या कराटेपटूंचे जल्लोषात स्वागत; महापौर वंदना मगरे यांच्या हस्ते सत्कार, अक्षय गोरंट्याल यांची उपस्थिती, शहरातून विजयी रॅली

महिलासक्षमीकरणठाणे पोलीस दलातील शीतल खरटमल यांची ऐतिहासिक कामगिरी; बँकॉक आशियाई सुमो कुस्ती स्पर्धेत कास्य पदक

नांदेड जिल्ह्याने कायम राखली सर्वसाधारण विजेतेपदाची परंपरा-विभागीय महसूल क्रीडा स्पर्धेत नांदेड जिल्हा अव्वल

जिल्हा परिषद अधिकारी व कर्मचारी यांच्या क्रीडा व सांस्कृतिक स्पर्धांचा थाटात शुभारंभ-अत्याधुनिक क्रीडा सुविधांच्या माध्यमातून बुलढाण्याचा नावलौकिक वाढविणार – आमदार संजय गायकवाड

vishwatmaklokswamivarta

मेरा युवा भारत अंतर्गत पी.एन.पी कॉलेज येथे जिल्हा क्रीडा स्पर्धा यशस्वीरित्या संपन्न

मिशन लक्ष्यवेध अंतर्गत पुणे विभागीय क्रीडा निपुणता केंद्र सुरू