vishwatmaklokswamivarta
Breaking News
प्रदेशस्थानिक बातम्या

विमुक्त जाती-भटक्या जमातीतील कलाकार व कारागिरांसाठीच्या नटराज व विश्वकर्मा पुरस्कारासाठी अर्ज सादर करण्याचे आवाहन

विमुक्त जाती-भटक्या जमातीतील कलाकार व कारागिरांसाठीच्या नटराज व विश्वकर्मा पुरस्कारासाठी अर्ज सादर करण्याचे आवाहन

सातारा प्रतिनिधी – विमुक्त जाती व भटक्या जमातीतील पारंपारिक लोककलाकार आणि कारागिरांच्या कार्याचा गौरव करण्यासाठी नटराज पुरस्कार व विश्वकर्मा पुरस्कार देण्यात येणार असून इच्छुक व्यक्ती व संस्थांनी अर्ज सादर करण्याचे आवाहन सहाय्यक संचालक, इतर मागास बहुजन कल्याण विभाग, सातारा यांनी केले आहे.

विमुक्त जाती व भटक्या जमातीकरिता सामाजिक, कलात्मक व प्रबोधन क्षेत्रात उल्लेखनीय कार्य करणाऱ्या पारंपारिक लोककलाकार, लोककलावंत तसेच पारंपारिक कारागिरांना या योजनेअंतर्गत सन्मानित करण्यात येणार आहे. विभागस्तरावर एकूण ७ पुरस्कार देण्यात येणार असून राज्यस्तरावरही पुरस्कार प्रदान करण्यात येतील. राज्यस्तरीय पुरस्कारांमध्ये महिलांसाठी एक व पुरुषांसाठी एक पुरस्कार राखीव ठेवण्यात आला आहे.

पुरस्कारप्राप्तांना शासनमान्य सन्मानपत्र, स्मृतीचिन्ह, शाल किंवा साडी-खण व श्रीफळ देण्यात येणार आहे. यासोबतच रु. २५,००० ते रु. ५१,००० पर्यंतची रोख रक्कम किंवा धनादेश स्वरूपात आर्थिक पुरस्कारही दिला जाणार आहे.

या पुरस्कारासाठी पात्रतेमध्ये विमुक्त जाती व भटक्या जमातीसाठी सामाजिक, कलात्मक किंवा प्रबोधन क्षेत्रात किमान १० वर्षे कार्य केलेले असणे आवश्यक आहे. पुरुष अर्जदारांचे वय ४५ वर्षे किंवा त्यापेक्षा जास्त आणि महिलांचे वय ४० वर्षे किंवा त्यापेक्षा जास्त असावे. अपवादात्मक प्रकरणांमध्ये वय मर्यादेत शिथिलता देण्याचा अधिकार निवड समितीकडे राहील. तसेच एकाच व्यक्तीस हा पुरस्कार एकापेक्षा अधिक वेळा दिला जाणार नाही.

पात्र व्यक्ती किंवा संस्थांनी आवश्यक कागदपत्रांसह ४ प्रतींमध्ये प्रस्ताव दि. ८ एप्रिल २०२६ पर्यंत कार्यालयीन वेळेत सहाय्यक संचालक, इतर मागास बहुजन कल्याण विभाग, भारतरत्न डॉ. बाबासाहेब आंबेडकर सामाजिक न्याय भवन, बॉम्बे रेस्टॉरंट चौक, सातारा येथे सादर करावेत. प्रस्तावासंदर्भातील अधिक माहितीसाठी संबंधित कार्यालयाशी संपर्क साधण्याचे आवाहन करण्यात आले आहे.

०००००

संबंधित पोस्ट

मुख्य सचिव राजेश अग्रवाल यांच्याकडून चंद्रभागा घाट व श्री विठ्ठल-रुक्मिणी मंदिर परिसराची पाहणी श्री विठ्ठल रुक्मिणी मातेचे मुख्य सचिव यांनी सपत्नीक दर्शन घेतले

पोलीस विभागाने ॲट्रॉसिटी अंतर्गत दाखलप्रलंबित प्रकरणे तात्काळ निर्गत करावीत – जिल्हाधिकारी डॉ. मैनाक घोष

आंतरराष्ट्रीय महिला दिनानिमित्त जिल्हास्तरीय “अस्मिता लीग” क्रीडा स्पर्धा उत्साहात संपन्न! 🏃‍♀️🏅

राज्यातील उद्योजकता आणि निर्यातीला चालना देण्यासाठी महाराष्ट्र सरकारच्या वतीने आयोजित ‘महा निर्यात-इग्नाइट महाराष्ट्र कन्व्हेन्शन २०२६’ चा ठाणे जिल्हास्तरीय मेळावा संपन्न

vishwatmaklokswamivarta

मराठा समाजातील विद्यार्थ्यांसाठी महत्त्वपूर्ण निर्णय-मराठा समाजाला ओबीसीप्रमाणे सर्व शैक्षणिक सवलती मिळतील  .

रॅगिंगविरोधी कायद्यासह विविध कायद्यांबाबत विद्यार्थ्यांना मार्गदर्शनजिल्हा विधी सेवा प्राधिकरणाच्या पुढाकारातून शासकीय वैद्यकीय महाविद्यालयात कायदेविषयक जनजागृती