vishwatmaklokswamivarta
Breaking News
प्रदेशस्थानिक बातम्या

२० जूनपर्यंत फार्मर आयडी नोंदणी पूर्ण करण्याचे जिल्हा प्रशासनाचे आवाहनपी.एम. किसानसह सर्व शासकीय योजनांच्या लाभासाठी फार्मर आयडी अनिवार्य

२० जूनपर्यंत फार्मर आयडी नोंदणी पूर्ण करण्याचे जिल्हा प्रशासनाचे आवाहनपी.एम. किसानसह सर्व शासकीय योजनांच्या लाभासाठी फार्मर आयडी अनिवार्य

नांदेड द प्रतिनिधी:- जिल्ह्यातील सर्व पात्र शेतकऱ्यांनी २० जून २०२६ पर्यंत आपली Farmer ID (फार्मर आयडी) नोंदणी पूर्ण करावी, असे आवाहन जिल्हा प्रशासनाने केले आहे. शासनाच्या २०२५ मधील निर्णयानुसार १५ एप्रिल २०२५ पासून पी.एम. किसानसह इतर सर्व शासकीय योजनांचा लाभ घेण्यासाठी फार्मर आयडी अनिवार्य करण्यात आला आहे. राज्य शासनाच्या निर्देशानुसार शेतकऱ्यांची Farmer ID निर्मिती व अद्ययावतीकरणाचे काम प्राधान्याने सुरू आहे.

जिल्हा प्रशासनाकडून उपलब्ध माहितीनुसार, जिल्ह्यातील एकूण ७ लाख ५४ हजार ५१८ भूधारकांपैकी १ लाख ५१ हजार ३८ भूधारकांनी अद्याप AgriStack मध्ये नोंदणी केलेली नाही. तसेच ३ लाख ६९ हजार ३८४ पी.एम. किसान लाभार्थ्यांपैकी ३२ हजार ५०४ लाभार्थ्यांनीही AgriStack मध्ये नोंदणी केलेली नसल्याचे समोर आले आहे.

शासनाच्या विविध योजनांचा लाभ मिळण्यात कोणतीही अडचण येऊ नये, यासाठी उर्वरित सर्व शेतकऱ्यांची Farmer ID नोंदणी २० जून २०२६ पर्यंत पूर्ण करण्याचे नियोजन करण्यात आले आहे. यासाठी शेतकऱ्यांनी आवश्यक कागदपत्रांसह संबंधित केंद्रावर उपस्थित राहून नोंदणी करून घ्यावी, असे आवाहन करण्यात आले आहे.

दरम्यान, Farmer ID नोंदणीबाबत जनजागृती करण्यासाठी गावपातळीवर व्यापक प्रचार व प्रसिद्धी मोहीम राबविण्याच्या सूचनाही संबंधित यंत्रणांना देण्यात आल्या आहेत. प्रशासनाने शेतकऱ्यांनी या प्रक्रियेला सकारात्मक प्रतिसाद देऊन वेळेत नोंदणी पूर्ण करावी, असे आवाहन केले आहे.

00000

संबंधित पोस्ट

सत्यमेव जयते फार्मर कपचा मुख्यमंत्री देवेंद्र फडणवीसांच्या हस्ते शुभारंभ – कृषी मंत्री दत्तात्रय भरणे

अंधश्रद्धा, विषमता आणि सामाजिक अन्यायाविरुद्ध सत्यशोधकांचा एल्गार — कोकण विभागीय परिषद १२ एप्रिलला नवीन पनवेलमध्ये

महाराष्ट्राच्या वैभवशाली इतिहासाला आधुनिक तंत्रज्ञानाची जोड देत राज्याच्या सार्वजनिक परिवहन व्यवस्थेत नव्या पर्वाची सुरुवात होत आहे. ‘राजमाता जिजाऊ’ या नावाने ओळखल्या जाणाऱ्या अत्याधुनिक #एसटी बससेवेचे लोकार्पण

vishwatmaklokswamivarta

चोपडा शहरातील बांधकामासाठी ०.४५ मीटर उंचीची तरतूद लागू करण्यात येणार- राज्यमंत्री माधुरी मिसाळ

vishwatmaklokswamivarta

केंद्रीय युवक कल्याण आणि क्रीडा मंत्री डॉ. मनसुख मांडविया यांच्या हस्ते साई राष्ट्रीय उत्कृष्टता केंद्र (एनसीओइ) गांधीनगर येथे एकात्मिक क्रीडा पायाभूत सुविधांचे उद्घाटन

इतर मागास वर्ग, विमुक्‍त जाती व भटक्या जमाती,विशेष मागास प्रवर्गातील उच्च विद्यार्थ्यांसाठी वसतिगृह सुविधा..