vishwatmaklokswamivarta
Breaking News
ठळक बातम्यास्थानिक बातम्या

कल्याण- डोंबिवली महानगरपालिकेत मनसेचा शिवसेनेला पाठिंबा, महापौर महायुतीच्या घटकपक्षांच्या चर्चेनंतर होणार – श्रीकांत शिंदे

कल्याण- डोंबिवली महानगरपालिकेत मनसेचा शिवसेनेला पाठिंबा, महापौर महायुतीच्या घटकपक्षांच्या चर्चेनंतर होणार – श्रीकांत शिंदे

 

ठाणे प्रतिनिधी-

कल्याण-डोंबिवली महानगरपालिकेत कोणत्याही एका पक्षाला बहुमत मिळालं नाही. त्यामुळं भाजपा आणि एकनाथ शिंदे यांची शिवसेना यांच्यात गेल्या काही दिवासांपासून रस्सीखेच पाहायला मिळतेय. अशातच बुधवारी (21 जानेवारी) नवी मुंबईतील कोकण विभागीय आयुक्तांच्या कार्यालयात काही राजकीय नाट्यमय घडामोडी घडल्या. कल्याण-डोंबिवली महानगरपालिकेत एकनाथ शिंदे यांच्या शिवसेनेला राज ठाकरे यांच्या मनसेकडून पाठिंबा देण्यात आला आहे.

मनसेचा शिवसेनेला पाठिंबा :बुधवारी (21 जानेवारी) कोकण विभागीय आयुक्तांच्या कार्यालयात शिवसेनेचे 53 नगरसेवक याठिकाणी आपल्या गटाची नोंदणी करण्यासाठी आले होते. त्याचवेळी मनसे नेते राजू पाटील हे देखील आपले मनसेचे 5 नगरसेवक घेऊन याठिकाणी दाखल झाल्याचं पाहायला मिळालं. तसंच मिळालेल्या माहितीनुसार, राजू पाटील, शिवसेनेचे श्रीकांत शिंदे आणि नरेश म्हस्के यांच्यात एक बैठक पार पडली. या बैठकीनंतर मनसेकडून कल्याण-डोंबिवली महानगरपालिकेत सत्ता स्थापनेसाठी शिवसेनेला पाठिंबा दिल्याचं सांगण्यात आलं.

विश्वनाथ राणे यांची शिवसेनेच्या गटनेतेपदी निवड : कल्याण-डोंबिवली महापालिकेतील मनसेच्या गटनेतेपदी नगरसेवक प्रल्हाद म्हात्रे यांची निवड करण्यात आली आहे. तर शिवसेनेकडून ज्येष्ठ नगरसेवक विश्वनाथ राणे यांची गटनेतेपदी निवड करण्यात आली आहे. त्यामुळं प्रदीर्घ अनुभव आणि स्थानिक प्रश्नांची सखोल जाण असलेल्या विश्वनाथ राणे यांच्याकडे आता महापालिकेतील शिवसेनेची नेतृत्वाची जबाबदारी सोपवण्यात आली आहे. तर दुसरीकडे, शिवसेना (उबाठा) पक्षाच्या 9 नगरसेवकांनी आपला गट स्थापन केला असून गटनेतेपदी उमेश बोरगावकर यांची निवड करण्यात आली आहे.

कल्याण-डोंबिवली महापालिकेवर सत्ता स्थापन करायची असेल तर 62 हा बहुमताचा आकडा गाठणं महत्त्वाचं आहे. सध्या शिवसेनेकडे 53 नगरसेवक आहेत. तर भाजपाकडे 50 नगरसेवक आहेत. याशिवाय, शिवसेना (उबाठा) पक्षाचे 11 आणि मनसेचे 5 नगरसेवक निवडून आलेत. मात्र, निकालानंतर शिवसेना (उबाठा) पक्षाचे दोन नगरसेवक नॉट रिचेबल असून हे दोन्ही नगरसेवक शिवसेनेच्या संपर्कात असल्याची चर्चा सुरू होती.

संबंधित पोस्ट

पोलीस अधीक्षक कार्यालय व पोलीस मुख्यालय गडचिरोली येथे साजरा करण्यात आला ७७ वा प्रजासत्ताक दिन सोहळा

vishwatmaklokswamivarta

आजची मोठी बातमी -महाराष्ट्र राज्य मार्ग परिवहन महामंडळ अर्थात एसटीचे ८३ हजार अधिकारी आणि कर्मचाऱ्यांना प्रत्येकी १० हजार रुपये दिवाळी बोनस देण्याची घोषणा परिवहन मंत्री – प्रताप सरनाईक

vishwatmaklokswamivarta

शेख मुकरम यांच्या हस्ते बालाजी सोनटक्के यांचा सत्कार

कोयना बॅक वॉटर फेस्टीव्हल विभागांनी सन्मवयातून यशस्वी करावा – पालकमंत्री शंभूराज देसाई

vishwatmaklokswamivarta

आज देशभरात धुमधडाक्यात साजरा होत आहे हनुमान जयंती जन्मोत्सव …

स्थानिक स्वराज्य संस्थेचे 977 मतदार बजावणार मतदानाचा हक्कØ वर्धा-चंद्रपूर- गडचिरोली स्थानिक प्राधिकारी मतदारसंघ निवडणूक