vishwatmaklokswamivarta
Breaking News
व्यवसाय

सर सेनापती संताजी घोरपडे सारथी उद्योजकता विकास उपक्रमांतर्गत२१ नोव्हेंबरपर्यंत ऑनलाईन अर्ज करण्याचे आवाहन

सर सेनापती संताजी घोरपडे सारथी उद्योजकता विकास उपक्रमांतर्गत२१ नोव्हेंबरपर्यंत ऑनलाईन अर्ज करण्याचे आवाहन

 

लातूर, प्रतिनिधी: छत्रपती शाहू महाराज संशोधन, प्रशिक्षण व मानव विकास संस्था (सारथी), पुणे यांच्यामार्फत मराठा, कुणबी, मराठा-कुणबी व कुणबी-मराठा समाजातील युवक-युवतींसाठी ‘सर सेनापती संताजी घोरपडे सारथी उद्योजकता विकास (इनक्युबेशन) उपक्रम’ राबविण्यात येत आहे. या उपक्रमांतर्गत पात्र युवक-युवतींना स्वतःचा व्यवसाय सुरू करण्यासाठी आणि उद्योजकीय कौशल्ये विकसित करण्यासाठी तज्ज्ञांचे मार्गदर्शन व आवश्यक सुविधा उपलब्ध करून दिल्या जाणार आहेत. इच्छुक उमेदवारांनी २१ नोव्हेंबर २०२६ रोजी सायंकाळी ६.१५ वाजेपर्यंत सारथीच्या अधिकृत संकेतस्थळावर ऑनलाईन पद्धतीने अर्ज करावेत, असे आवाहन सारथी विभागीय कार्यालय उपव्यवस्थापकीय संचालक व उपजिल्हाधिकारी श्रीमती आम्रपाली कासोदेकर यांनी केले आहे.

महाराष्ट्र राज्यातील मराठा, कुणबी, मराठा-कुणबी आणि कुणबी-मराठा या लक्षित गटातील समाजाचा सामाजिक, आर्थिक व शैक्षणिक विकास साधण्यासाठी सारथी संस्थेची स्थापना करण्यात आली असून, संस्थेमार्फत विविध कल्याणकारी योजना व उपक्रम राबविले जातात. याच अनुषंगाने नवउद्योजकांना प्रोत्साहन देण्यासाठी हा इनक्युबेशन उपक्रम हाती घेण्यात आला आहे. या उपक्रमासाठी पुणे, सोलापूर, कोल्हापूर, सांगली, बारामती, नागपूर आणि छत्रपती संभाजीनगर आदी ठिकाणच्या एकूण १३ नामांकित इनक्युबेशन संस्थांची निवड करण्यात आली आहे. या निवडक १३ इनक्युबेशन सेंटरच्या माध्यमातून प्रत्येकी १० नवउद्योजकांना त्यांच्या नाविन्यपूर्ण उद्योजकीय संकल्पनांवर आधारित उद्योग उभारणीसाठी आवश्यक मार्गदर्शन आणि सहकार्य केले जाणार आहे.

या उपक्रमाबाबतची सविस्तर माहिती, आवश्यक सूचना आणि संबंधित इनक्युबेशन संस्थांच्या स्वतंत्र लिंक सारथीच्या https://sarthi.maharashtra.gov.in या अधिकृत संकेतस्थळावर उपलब्ध करून देण्यात आल्या आहेत. तरी मराठा, कुणबी, मराठा-कुणबी व कुणबी-मराठा समाजातील जास्तीत जास्त इच्छुक युवक-युवतींनी या सुवर्णसंधीचा लाभ घ्यावा आणि उद्योजकतेच्या माध्यमातून स्वावलंबी होण्यासाठी या उपक्रमात मोठ्या संख्येने सहभागी व्हावे, असे आवाहन श्रीमती कासोदेकर यांनी प्रसिद्धीपत्रकाद्वारे केले आहे.

*****

संबंधित पोस्ट

राज्यातील उद्योजकता आणि निर्यातीला चालना देण्यासाठी महाराष्ट्र सरकारच्या वतीने आयोजित ‘महा निर्यात-इग्नाइट महाराष्ट्र कन्व्हेन्शन २०२६’ चा ठाणे जिल्हास्तरीय मेळावा संपन्न

vishwatmaklokswamivarta

डाक विभागाच्या आउटलेटसाठी प्रस्ताव मागविले

शासकीय तसेच खाजगी क्षेत्रातील सर्व आस्थापनांनी कर्मचाऱ्यांचीत्रैमासिक सांख्यिकी (ER 1) माहिती ऑनलाईन पध्दतीने सादर करावी

vishwatmaklokswamivarta

सायप्रस आणि भारतामधील आर्थिक आणि धोरणात्मक संबंध आता एका नवीन टप्प्यावर आले आहे. भारताचे आर्थिक सामर्थ्य, नाविन्यता आणि जागतिक अर्थव्यवस्थेतील वाढत्या भूमिका प्रशासनीय आहे, असे गौरवोद्गार सायप्रस प्रजासत्ताकचे राष्ट्रपती निकोस क्रिस्टोडोलाइड्स 00000

जिल्हा कौशल्य विकास, रोजगार व उद्योजकता मार्गदर्शन केंद्र ठाणे येथे 13 फेब्रुवारी,2026 रोजी सुशिक्षित बेरोजगार उमेदवारांकरिता प्लेसमेंट ड्राईव्हचे आयोजन

vishwatmaklokswamivarta

नवीन कामगार संहिता नियमावलीवर हरकती व सूचनानोंदवण्याचे कामगार उप आयुक्तांचे आवाहन