vishwatmaklokswamivarta
Breaking News
प्रदेशव्यवसाय

स्मार्ट’ अंतर्गत भेंडाळ्यात शेतकरी उत्पादक कंपनीच्या १ कोटी ४ लाख रुपयांच्या प्रकल्पाचे उद्घाटन**बियाणे स्वच्छता, प्रतवारी आणि पॅकेजिंगची सुविधा उपलब्ध*

*‘स्मार्ट’ अंतर्गत भेंडाळ्यात शेतकरी उत्पादक कंपनीच्या १ कोटी ४ लाख रुपयांच्या प्रकल्पाचे उद्घाटन**बियाणे स्वच्छता, प्रतवारी आणि पॅकेजिंगची सुविधा उपलब्ध*

गडचिरोली, प्रतिनिधी — चामोर्शी तालुक्यातील भेंडाळा येथे शुभगॉन शेतकरी उत्पादक कंपनीच्या सुमारे १ कोटी ४ लाख रुपयांच्या ‘स्मार्ट’ प्रकल्पाचे उद्घाटन झाले. मुलचेरा येथील या कंपनीने भेंडाळा येथे उभारलेल्या प्रकल्पात यंत्रसामग्रीसाठी शेड, बियाणे स्वच्छता व प्रतवारी यंत्रणा आणि पॅकेजिंग यंत्रसामग्रीचा समावेश आहे.

कृषी विभागाच्या बाळासाहेब ठाकरे कृषी व्यवसाय व ग्रामीण परिवर्तन (स्मार्ट) प्रकल्पांतर्गत आत्मा, गडचिरोलीच्या जिल्हा अंमलबजावणी कक्षामार्फत या प्रकल्पाला मंजुरी देण्यात आली. उद्घाटनप्रसंगी नागपूर विभागाच्या ‘स्मार्ट’ प्रकल्पाच्या विभागीय नोडल अधिकारी प्रज्ञा गोडघाटे, जिल्हा अंमलबजावणी कक्षाच्या प्रमुख तथा ‘आत्मा’च्या प्रकल्प संचालक प्रीती हिरळकर आणि जिल्हा नोडल अधिकारी अर्चना कोचरे उपस्थित होत्या.

कडधान्यांची स्वच्छता, प्रतवारी आणि पॅकेजिंग केल्याने शेतमालाचे मूल्य वाढते आणि त्याला चांगला बाजारभाव मिळण्यास मदत होते, असे उपस्थित अधिकाऱ्यांनी सांगितले. परिसरातील शेतकऱ्यांचा शेतमाल सामूहिकरीत्या संकलित करणे, त्यावर प्रक्रिया करणे आणि बाजारपेठेशी थेट जोडणी करणे यावर शेतकरी उत्पादक कंपन्यांनी भर द्यावा, असे मार्गदर्शन त्यांनी केले.

या वेळी विभागीय अंमलबजावणी कक्षाचे वित्तीय प्रवेश सल्लागार सत्यपाल ठाकरे, उपविभागीय कृषी अधिकारी धर्मेंद्र गिरीपुंजे, चामोर्शीचे तालुका कृषी अधिकारी तुमडाम आणि मुलचेराचे तालुका कृषी अधिकारी पाटील यांच्यासह कृषी विभागाचे अधिकारी-कर्मचारी, कंपनीचे संचालक, भागधारक, सभासद आणि शेतकरी उपस्थित होते. मुलचेराचे तालुका तंत्रज्ञान व्यवस्थापक आकाश लवटे यांनी प्रास्ताविक केले, तर जिल्हा अंमलबजावणी कक्षाचे वित्तीय प्रवेश सल्लागार कैलास शहारे यांनी सूत्रसंचालन केले.

संबंधित पोस्ट

डाक जीवन विमा विस्तारासाठी इतर विभागीय कर्मचाऱ्यांची एजंट श्रेणी सुरु

जल व्यवस्थापन कृती पंधरवड्याचे उद्घाटन

नियतकालिक कामगार शक्ती सर्वेक्षणाचे क्षेत्रकार्य सुरू;नागरिकांनी सहकार्य करण्याचे जिल्हा सांख्यिकी कार्यालयाचे आवाहन

सहकारी संस्थांच्या निवडणूक निर्णय अकारी निवडीसाठी31 मे पर्यंत अर्ज करण्याचे आवाहन

नियोजन समितीचा १०० टक्के निधी वेळेत खर्च करा पालकमंत्री डॉ. उदय सामंत यांचे निर्देश २५ तारखेपर्यंत शहरात हॉकर्स झोन करा; फूटपाथ अडवणाऱ्यांवर कारवाईचा इशारा

vishwatmaklokswamivarta

सांगली जिल्ह्यात विशेष महसूल लोकअदालतीचे आयोजनप्रलंबित महसुली प्रकरणे तडजोडीने व गतीने मार्गी लावावीत- अपर जिल्हाधिकारी सुशांत खांडेकर

vishwatmaklokswamivarta