vishwatmaklokswamivarta
Breaking News
आरोग्य

बुलढाणा जिल्ह्यात ‘सांस’ अभियानाला सुरुवात० ते ५ वर्षे वयोगटातील बालकांची होणार तपासणी; न्यूमोनियापासून संरक्षणासाठी आरोग्य विभागाचा पुढाकार

बुलढाणा जिल्ह्यात ‘सांस’ अभियानाला सुरुवात० ते ५ वर्षे वयोगटातील बालकांची होणार तपासणी; न्यूमोनियापासून संरक्षणासाठी आरोग्य विभागाचा पुढाकार

बुलढाणा, प्रतिनिधी: बालकांमधील न्यूमोनियाचे प्रमाण कमी करून बालमृत्यू रोखण्याच्या उद्देशाने बुलढाणा जिल्ह्यात आरोग्य विभागामार्फत ‘सांस’ (SAANS) अभियानाला सुरुवात करण्यात आली आहे. १२ नोव्हेंबर २०२६ ते १२ फेब्रुवारी २०२७ या कालावधीत राबविण्यात येणाऱ्या या अभियानांतर्गत जिल्ह्यातील ० ते ५ वर्षे वयोगटातील बालकांची तपासणी करण्यात येणार आहेया अभियानाद्वारे न्यूमोनियाची लक्षणे, प्रतिबंधात्मक उपाययोजना आणि वेळेवर उपचार याबाबत पालकांमध्ये जनजागृती करण्यात येणार आहे. न्यूमोनिया हा लहान बालकांसाठी गंभीर आजार ठरू शकतो. श्वास घेण्यास त्रास होणे, छाती आत ओढली जाणे, जलद श्वास घेणे, ताप आणि खोकला ही न्यूमोनियाची प्रमुख लक्षणे आहेत. बालकांमध्ये अशी लक्षणे आढळल्यास घरगुती उपचारांवर अवलंबून न राहता तातडीने जवळच्या आरोग्य संस्थेत दाखल करण्याचे आवाहन आरोग्य विभागाने केले आहे.

प्रतिबंधात्मक उपाययोजनांवर विशेष भर : अभियानांतर्गत बालकांचे नियमित लसीकरण, जन्मानंतर पहिले सहा महिने केवळ स्तनपान, सहा महिन्यांनंतर वयानुरूप पूरक आहार, हातांची स्वच्छता, घरातील स्वच्छता आणि धूरमुक्त वातावरणाचे महत्त्व पालकांना समजावून सांगण्यात येणार आहे. न्यूमोनियाचे वेळीच निदान आणि योग्य उपचार केल्यास बालमृत्यूचे प्रमाण कमी करण्यास मोठी मदत होऊ शकते

जिल्हा आरोग्य अधिकारी डॉ. रणजित मंडाले व जिल्हा शल्यचिकित्सक डॉ. दत्तात्रय बिराजदार यांच्या नेतृत्वाखाली तसेच जिल्हा माता-बाल संगोपन अधिकारी डॉ. मिलिंद जाधव यांच्या मार्गदर्शनाखाली जिल्ह्यातील सर्व शहरी भाग व तालुक्यांमध्ये या अभियानाची प्रभावी अंमलबजावणी करण्यात येत आहे. आरोग्य अधिकारी, कर्मचारी आणि क्षेत्रीय आरोग्य यंत्रणेमार्फत बालकांची तपासणी व जनजागृती उपक्रम राबविण्यावर भर देण्यात येत आहे

बालकांचे आरोग्य सुरक्षित ठेवण्यासाठी प्रत्येक पालकाने सजग राहावे. बालकांमध्ये न्यूमोनियाची लक्षणे दिसताच तातडीने वैद्यकीय सल्ला घ्यावा व योग्य उपचार सुरू करावेत, असे आवाहन जिल्हा आरोग्य विभागाच्या वतीने करण्यात आले आहे.

00000

संबंधित पोस्ट

पीसीपीएनडीटी कायद्याची प्रभावी अंमलबजावणी करा-जिल्हाधिकारी-जिल्हा दक्षता पथकाची बैठक संपन्न

आला उन्हाळा आरोग्य सांभाळा 

माझं गाव आरोग्य संपन्न गाव अभियानाला बुलढाण्यात उत्स्फूर्त प्रतिसाद;जिल्ह्यातील 870 ग्रामपंचायतींचा सक्रिय सहभाग

गरोदरपणात महिलांच्या एचआयव्ही चाचणीसोबत काविळ चाचणीही प्राधान्याने व्हावी – जिल्हाधिकारी डॉ.विजय राठोड*

vishwatmaklokswamivarta

सशक्त बालक हीच देशाची खरी संपत्ती;संपूर्ण समाज निरोगी व सशक्त करण्यासाठी सर्वांनी पुढाकार घ्यावा – पालकमंत्री चंद्रकांत पाटील- पालकमंत्र्यांच्या हस्ते राष्ट्रीय पल्स पोलिओ लसीकरण मोहिमेचा शुभारंभ- सुदृढ बालकांसाठी मुलांच्या आरोग्याची काळजी घेण्याचे आवाहन

बालकांमधील न्यूमोनिया प्रतिबंध मोहीमेची नवी मुंबईत सुरूवात

vishwatmaklokswamivarta