नगर विकास विभागाच्या विभागस्तरीय क्रीडा स्पर्धा व सांस्कृतिक कार्यक्रम आज
छत्रपती संसंभाजीनगर प्रतिनिधी नगर विकास विभाग आणि नगरपरिषद प्रशासन संचालनालय व विभागीय आयुक्त कार्यालय नगरपरिषद प्रशासन शाखा यांच्या वतीने विभागस्तरीय क्रीडा स्पर्धा व सांस्कृतिक कार्यक्रम रविवार दि.१९ रोजी होत आहेत.
क्रीडा स्पर्धांचा उद्घाटन समारंभ विभागीय आयुक्त दिलीप गावडे यांच्या हस्ते रविवार दि.१९ रोजी सकाळी १०वाजता तर सांस्कृतिक कार्यक्रमाचा उद्घाटन समारंभ अप्पर जिल्हाधिकारी डॉ.अरविंद लोखंडे यांच्या हस्ते सायंकाळी ५ वाजता विभागीय क्रीडा संकुल गारखेडा परिसर, छत्रपती संभाजीनगर येथे आयोजित करण्यात आला आहे.
क्रीडा स्पर्धांच्या उद्घाटन सोहळ्यास विभागीय आयुक्त दिलीप गावडे, मनपा आयुक्त जी. श्रीकांत, जिल्हाधिकारी दिलीप स्वामी, जिल्हा क्रीडा अधिकारी बाजीराव देसाई हे मान्यवर उपस्थित राहणार आहेत तर सांस्कृतिक कार्यक्रमाच्या उद्घाटन सोहळ्यास अपर जिल्हाधिकारी डॉ. अरविंद लोखंडे व अपर आयुक्त डॉ. अनंत गव्हाणे यांची उपस्थिती राहणार आहे.
या क्रीडा स्पर्धा व सांस्कृतिक कार्यक्रमासाठी विभागातील ८ जिल्ह्यांचे संघ आणि ७०० खेळाडू सहभागी होणार आहेत. क्रीडा स्पर्धांत क्रिकेट, कबड्डी, रस्सीखेच, व्हॉलीबॉल या सांघिक खेळांचा तसेच बुद्धिबळ, कॅरम, १०० मी., २०० मी., ४०० मी. धावणे, थाळी फेक, भाला फेक, गोळा फेक, लांब उडी, उंच उडी या वैयक्तिक खेळांचा समावेश करण्यात आला आहे, उपस्थितीचे आवाहन सह आयुक्त नगरपालिका प्रशासन सय्यद रफिक यांनी केले आहे. ०००००
