आंतरराष्ट्रीय योग दिनानिमित्त विशेष कार्यक्रमात नागरिकांना सहभागी होण्याचे आवाहन

 

       नवी मुंबई प्रतिनिधी   नवी मुंबई महानगरपालिका व सिडको यांच्या संयुक्त विद्यमाने दि. 21 जून 2026 रोजी आंतरराष्ट्रीय योग दिन उत्साहात साजरा करण्यात येणार आहे. या कार्यक्रमाचे आयोजन सिडको प्रदर्शनी केंद्र, वाशी येथे सकाळी 6.30 वा. करण्यात आले आहे.

          या विशेष योग कार्यक्रमात नागरिक, विविध शाळा – महाविद्यालयांचे विद्यार्थी, शिक्षक – प्राध्यापक, महापालिका अधिकारी व कर्मचारी मोठ्या संख्येने सहभागी होणार आहेत. योगाचे महत्त्व जनसामान्यांपर्यंत पोहोचावे तसेच निरोगी जीवन शैलीचा संदेश समाजात रुजावा या उद्देशाने या कार्यक्रमाचे आयोजन करण्यात येत असल्याचे क्रीडा समिती सभापती श्री. गिरीश कान्हा म्हात्रे यांनी सांगितले आहे.

          आंतरराष्ट्रीय योग दिनाच्या निमित्ताने आयोजित करण्यात आलेल्या या कार्यक्रमास नागरिकांनी मोठ्या संख्येने उपस्थित राहून योग चळवळीला बळ द्यावे व कार्यक्रमाची शोभा वाढवावी असे आवाहन महापौर श्रीम. सुजाता सुरज पाटील यांनी केले आहे.

          तरी सर्व नागरिकांनी या कार्यक्रमास उत्स्फुर्त प्रतिसाद देऊन सहभागी व्हावे, असे आवाहन करण्यात येत आहे.

0000