शिवसेनेला गोव्यात अजून खातंही उघडता आलेलं नाही. यावरून भाजप नेते किरिट सोमय्या यांनी शिवेसेनेवर टीका केली
पणजी प्रतिनिधी – गोवा विधानसभा निवडणुकीच्या मतमोजणीला सुरुवात झाली आहे. यात भाजपसाठी धक्कादायक असा कौल हाती येत आहे. सध्या मुख्यमंत्री प्रमोद सावंत हे पिछाडीवर आहेत. तर माजी मुख्यमंत्री लक्ष्मीकांत पार्सेकरसुद्धा पिछाडीवर आहेत. भाजप आणि काँग्रेस यांच्यात चढाओढ सुरु आहे. शिवसेनेला गोव्यात अजून खातंही उघडता आलेलं नाही. यावरून भाजप नेते किरिट सोमय्या यांनी शिवेसेनेवर टीका केली आहे. अद्याप कोणत्याही जागेचे निकाल स्पष्ट झालेले नसताना सोमय्यांनी शिवसेनेला डिवचलं आहे.
सोमय्यांनी ट्विटरवरून टोला लगावताना म्हटलं की,’उद्धव ठाकरे साहेब, आदित्य ठाकरे जी आणि आदरणीय संजय राऊत जी गोव्यात शिवसेना कुठे आहे!!??’ गोव्यात 40 पैकी 13 जागांचे कल हाती आले असून भाजप 7 तर काँग्रेस 3 जागांवर आघाडीवर आहे
गोव्यात पुन्हा भाजप?गोव्यात सध्या मुख्यमंत्री असलेल्या प्रमोद सावंत यांच्याच नेतृत्वाखाली भाजप निवडणूक लढत आहे. २०१७ च्या निवडणुकीत भाजपला ४० पैकी १३ जागाच जिंकता आल्या होत्या. तर काँग्रेसने सर्वाधिक १७ जागा जिंकल्या होत्या.
