गुढीपाडवा मोठ्या उत्साह सगळीकडे दोन वर्षांनंतर धुमधडाक्यात नववर्षाचं स्वागत, सर्वत्र आनंदाचं वातावरण…
मुंबई प्रतिनिधी कोरोना महामारीनंतर अखेर दोन वर्षांनंतर गुढीपाडवा मोठ्या उत्साह सगळीकडे पाहायला मिळत आहे. अनेक ठिकाणी शोभायात्रांना सुरूवात झाली आहे. रस्त्यांवर प्रत्येक जण नुतन वर्षांच्या स्वागतासाठी सज्ज झाले आहेत. सर्वांच्या चेहऱ्यावर आनंद दिसत आहे. डोंबिवली, ठाणे, गिरगाव याठिकाणी पुरूष, महिला मस्त तयार होवून सणाचा आनंद घेत आहे. दोन वर्षांनंतर धुमधडाक्यात नववर्षाचं स्वागत केलं जातंय.
डोंबिवली नववर्ष स्वागत यात्रा वक्रतुंड ढोल पथक कडून सलामी वादन सुरू झालं आहे. सर्वत्र आनंदाचं वातावरण आहे. दोन वर्षांनंतर डोंबिवलीत गुढीपाडव्याच्या मुहूर्तावर आनंद आणि उत्साहाची लाट आली आहे.
