बाळासाहेब ठाकरेंच्या बहिणीचे पुण्यात निधन, संजीवनी करंदीकरांची प्राणज्योत मालवली…

पुणे प्रतिनिधी: थोर समाजसुधारक प्रबोधनकार ठाकरे यांची कन्या आणि शिवसेनाप्रमुख बाळासाहेब ठाकरे यांच्या लहान भगिनी श्रीमती संजीवनी करंदीकर यांचं आज पुण्यात निधन झालं आहे. वयाच्या 84 व्या वर्षी वृद्धापकाळाने त्यांचं दुःखद निधन झालं.(Balasaheb Thackeray’s sister dies in Pune)मुख्यमंत्री उद्धव ठाकरे (CM Uddhav Thackeray) यांच्या त्या आत्या होत्या व किर्तीताई फाटक यांच्या मातोश्री होत्या. आज सकाळी वयाच्या ८४ व्या वर्षी त्यांची प्राणज्योत मालवली.

संजीवनी करंदीकर यांचा जन्म पुण्यात झाला होता. त्यांच्या आयुष्यातील बरीच वर्षे पुण्यात गेली. त्यांनी आंतरजातीय विवाह केला होता. रिझर्व बॅंक ऑफ इंडियामध्ये ३८ वर्षे मशीन सेक्शन अधिकारी म्हणून त्यांनी काम केलं होतं. त्यांच्या निधनानंतर शिवसेनेच्या नेत्यांसह अनेकांनी श्रद्धांजली वाहिली आहे.