लिडकॉम आपल्या दारी जिल्हास्तरीय कार्यशाळा संपन्न
सातारा प्रतिनिधी: संत रोहिदास चर्मोद्योग व चर्मकार विकास महामंडळामार्फत लिडकॉम आपल्या दारी अंतर्गत महाराष्ट्रातील सर्वात पहिली जिल्हास्तरीय कार्यशाळा 31 जानेवारी 2024 रोजी नियोजन भवन जिल्हाधिकारी कार्यालय येथे संपन्न झाली.
या कार्यक्रमास व्यवस्थापकीय संचालक धम्मज्योती गजभिये, अप्पर जिल्हाधिकारी जीवन गलांडे, व्यवस्थापक एन. एम. पवार, जिल्हा अग्रणी बँक व्यवस्थापक योगेश पाटील, समाज कल्याणचे सहाय्यक आयुक्त नितीन उबाळे, जिल्हा व्यवस्थापक अमोल शिंदे आदी उपस्थित होते.
मेळाव्यामध्ये महामंडळाच्या सर्व योजनांची सखोल माहिती देण्यात आली. तसेच व्यासपीठावरील मान्यवरांनी समाजाला मार्गदर्शन केले. व्यवस्थापकीय संचालक यांनी महामंडळाच्या नवीन योजनांची माहिती दिली तसेच लोकांच्या समस्या जाणून घेतल्या व त्याचे निरसन करण्याचे आश्वासन दिले. या कार्यशाळेत महामंडळाच्या पात्र लाभार्थ्यांना धनादेशाचे वितरण करण्यात आले.
00000
